________________
भत्ती बहुमाणो वन्नजणण नासणमवण्णवायस्स । आसायणपरिहारो, विणओ संखेवओ एसो ॥२१॥ | भत्ती बहिपडिवत्ती, बहुमाणो मणसि निब्भरा पीई । वण्णजणणं तु तेसिं, अइसयगुणकित्चणाईहिं॥ २३२॥ उड्डाहगोवणाई, भणियं नासणमवण्णवायस्स । आसायणपरिहरणं, उचियासणसेवणाइयं ॥ २३ ॥ दसभेयविणयमेयं, कुणमाणो माणवो नियमाणो । सहइ विषयमूलं, धम्मंति विसोहए संमं ॥ २४ ॥ मणवाया कायाणं सुद्धी संमत्तसोहिणी तत्थ । मणसुद्धी जिणजिणमयवज्जमसारं मुणइ लोयं ॥२५॥ तित्थंकरचलणाराहणेण जं मज्झ सिज्झइ न कज्जं । पत्थेमि तत्थ नन्नं देवविसेसेहिं वयसुद्धी ॥२६॥ छिजंतो भिजंतो पीलिजंतो य उज्झमाणोऽवि । जिणवज्जदेवयाणं, न नमइ जो तस्स तणुसुद्धी ॥२७॥ दूसिज्जइ जेहि इमं ते दोसा पंच वज्जणिजा उ । संका कंख विगिच्छा परतित्थि पसंससंथवणं ॥२८॥ | देवे गुरुंमि तत्ते अस्थि नवस्थित्ति संसओ संका। कंखा कुमयभिलासो दयाइगुणले सदंसणओ ॥२९॥ विचिगिच्छा सफलं पड़ संदेहो मुणिजणम्मि उ दुगुंछा । गुणकित्तणं पसंसा परिचयकरणं तु संथवणं २९ सम्मदंसणजुत्तो, सइ सामत्थे पभावगो होइ । सो पुण इत्थ विसिट्टो, निद्दिट्ठो अट्टहा सुते ॥३१॥
