________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
पाक्षिपादि-प्रतिक्रमणम्।
११८
अहविहो परिहाविदो संकाए कंखाए विदिगिंछाए अण्णदिद्विपसंसणदाए परपाखंडपसंसणदाए अणायदणसेवणदाए अवच्छल्लदाए अप्पहावणदाए तस्स मिच्छा मे दुक्कडं ।
तवायारो बारसविहो, अन्भतरो छविहो बाहिरो छविहो चेदि, तत्थ बाहिरो अणसणं आमोदरियं वित्तिपरिसंखा रसपरिच्चाओ सरीरपरिचाओ विवित्तसयणासणं चेदि, तत्थ अभंतरो पायच्छि विणओ वेज्जावञ्च सज्झाओ झाणं विउस्सग्गो चेदि । अब्भंतरं बाहिरं बारसविहं तवोकम्मंण कदं णिसण्णेण पडिक्कत तस्स मिच्छा मे दुक्कडं ।
वीरियायारो पंचविहो परिहाविदो वरवीरियपरिक्कमेण नहुतमाणेण बलेण वीरिएण परिक्कमेण णिगृहियं तवोकम्मं ण कयं णिसणेण पडिक्कतं तस्स मिच्छा मे दुक्कडं ।
इच्छामि भंते ! चरित्तायारो तेरसविहो परिहाविदो पंच महव्वदाणि पंचसमिदीओ तिगुत्तीओ चेदि । तत्थ पढमे महव्वदे पाणादिवादादो वेरमणं । से पुढविकाइया जीवा असंखेज्जासंखेज्जा, आउकाइया जीवा असंखेज्जासंखेज्जा, तेउकाइया जीवा असंखेज्जासंखेज्जा, वाउकाइया जीवा असंखेज्जासंखेज्जा, वणप्फदिकाइया जीवा अर्णताणता हरिया, बीया, अंकुरा, छिण्णा, मिण्णा, एदेसि उद्दावणं परिदावणं विराहणं उवघादो कदो वा कारिदो वा कीरंतो वा समणुमण्णिदो तस्स मिच्छा मे दुक्कडं ।
बेइंदिया जीवा असंखेजासंखेजा कुक्खि-किम्मि-संख-खुल्लयवराडय-अक्ख-रिट्ठ-गंडवाल-संवुक्क-सिप्पि--पुलविकाइया, तेसिं उद्दावणं परिदावणं विराहणं उवधादो कदो वा कारिदो वा कीरतो वा समणुमण्णिदो तस्स मिच्छा मे दुक्कई ।
For Private And Personal Use Only
