________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
पाक्षिकावि-प्रबिक्रमणम् ।
(इत्युचार्य "णमो अरहताणं” इत्यादि दंडकं पठित्वा कायोत्सर्ग कृत्वा "थोस्सामि" इत्यादि दंडकमधीत्य “देसकुलजाइसुद्धा” इत्यादिकां मध्याचार्यनुतिं "इच्छामि भंते ! पक्खियम्मि" आलोचेउं पएणरसएहं दिवभाणं" इत्यादिबृहदालोचनां च ससूरयः साधवः पठेयुः)
देसकुल बाइसुद्धा विसुद्धमणवयणकायसंजुत्ता । तुम्हं पायपयोरुहमिह मंगलमत्थु मे णिच्चं ॥१॥ सगपरसमयविदण्हूं आगमहेदाहिं चाविजाणित्ता। सुसमत्था जिणवयणे विणये सत्ताणुरूवेण ॥२॥ बालगुरुबुड्ढसेहे गिलाणथेरे य खमणसंजुत्ता। वट्टावयगा अण्णे दुस्सीले चावि जाणित्ता ॥३॥ वयसमिदिगुत्तिजुत्ता मुत्तिपहे ठाविया पुणो अण्णे । अज्झावयगुणणिलये साहुगुणेणावि संजुत्ता ॥४॥ उत्तमखमाए पुढवी पसण्णभावेण अच्छजलसरिसा । कम्मिधणदहणादो अगणी वाऊ असंगादो ॥५॥ गयणमिवणिरुवलेवा अक्खोहा सायरुव्व मुणिवसहा । एरिसगुणणिलयाणं पायं पणमामि सुद्धमणो ॥६॥ संसारकाणणे पुण बंभममाणेहिं भन्नजीवेहिं । णिव्वाणस्स हु मग्गो लद्धो तुम्हें पसाएण ॥७॥ अविसुद्धलेस्सरहिया विसुद्धलेस्साहि परिणदा सुद्धा । रुद्दढे पुण चत्ता धम्मे सुक्के य संजुत्ता ॥ ८॥ उग्गहईहावायाधारणगुणसंपदेहिं संजुत्ता। सुत्तत्थभावणाए भावियमाणेहिं वंदामि ॥ ९ ॥ तुम्हं गुणगणसंथुदि.अजाणमाणेण जो मया वुत्तो । देउ मम बोहिलाहं गुरुभत्तिजुदत्थओ णिच्चं ॥१०॥
For Private And Personal Use Only
