________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
पाक्षिकादि-प्रतिक्रमणम् ।
इच्छामि मंते ! योगिमसिकाउस्सग्गो को तस्सालोचेलं, अड्ढाइजदीवदोसमुहेसु पण्णारसकम्मभूमिसु आदावणरुक्खमूलअम्मोवासठाणमोणवीरासणेक्कपासकुक्कुडासणवउछपक्खखवणादिजोगजुत्ताणं सब्बसाहूणं अंबेमि पूजेमि . दामि णमंसामि दुक्खक्खओ कम्मक्खओ बोहिलाहो सुगहगमणं समाहिम रणं जिणगुणसंपत्ति होउ मज्झं।
(आलोचना-) इच्छामि भंते ! चरित्तायारो तेरसविहो परिहाविदो, पंचमहव्वदाणि पंचसमिदीओ तीगुत्तीओ चेदि । सत्य पढने महव्वदे पाणादिवादादो वेरमणं से पुढवीकाइया जीवा असंखेज्जासंखेज्जा, आउकाइया जीवा असंखेज्जासंखेज्जा, तेउकाइया जीवा असंखेज्जासंखेज्जा, वाउकाइया जीवा असंखेज्जासंखेज्जा, बणफ्फदिकाइया जीवा अणंताणता हरिया बीया अंकुरा छिण्णा मिण्णा, एदेसि उद्दावणं परिदावणं विराहणं उवषादो कदो वा कारिदो वा कीरंतो वा समणुमणिदो तस्स मिच्छा मे दुक्कडं ॥१॥
बेईदिया जीवा असंखेज्जासंखेज्जा कुक्खिकिम्मि-संखखुल्लय-वराडय-अक्ख-रि-डवाल-संवुक्क-सिप्पि-पुलविकाइया, एदेसि उद्दावणं परिदावणं विराहण उवधादो कदो वा कारिदो वा कीरंतो वा समणुमणिदो तस्स मिच्छा मे दुक्कडं ।। २ ॥
तेइंदिया जीवा असंखेज्जासंखेज्जा कुंथु-देहिय-विंछिय-गोमिद-गोजुव-मक्कुण-पिपीलिया, एदेसिं उद्दावणं परिदावणं उत्पादो कदो वा कारिदो वा कीरंतो वा समणुमणिदो तस्स मिच्छा मे दुक्कडं ॥३॥
For Private And Personal Use Only
