Page Text
________________
३३६
जयधवला
'तिग तिग। एक्के किस्से संगहकिट्टीए अणंताओ किट्टीओ।त्ति एदेण'अधवा अणंताओ' जादा । २किट्टीए किं करणं ति एत्थ एक्का भासगाहा । तिस्से समुक्कित्तणा।
(१११) किट्टी करेदि णियमा ओवटेंतो ठिदी य अणुभागे ।
वड्ढेतो किट्टीए अकारगो होदि बोद्धदव्वो ॥१६४॥ विहासा । जहा। जो किट्टीकारगो सो पदेसग्गं ठिदीहिं वा अणुभागेहिं वा ओकहुवि, ण उक्कड्ड दि । खवगो किट्टीकरणप्पहुडि जाव संकमो ताव ओकड्डगो पदेसगस्स ण उक्कडगो । उवसासगो पुण पढमसमयकारगमादि कादूण जाव चरिमसमयसकसायो ताव ओकड्डगो, ण पुण उक्कड्डगो । 'पडिवदमाणगो पुण पढमसमयसकसायप्यहुडि ओकड्डगो वि उक्कड्डगो वि । "लक्खणमध किं च किट्टीए” त्ति एत्थ एक्का भासगाहा । तिस्से समुक्कित्तणा।
(११२) गुणसेढि अणंतगुणा लोभादी कोधपच्छिमपदादो।
__ कम्मस्स य अणुभागे किट्टीए लक्खणं एवं ॥१६५॥ "विहासा । लोभस्स जहणिया किट्टी अणुभागेहि थोवा । विदियकिट्टी अणुभामेहि अणंतगुणा । तदिया किट्टी अणुभागेहिं अणंतगुणा। एवमणंतराणंतरेण सव्वत्थ अणंतगुणा जाव कोधस्स चरिमकिट्टि त्ति । उक्कस्सिया वि किट्टी आदिफद्द यआदिवग्गणाए अणंतभागो ।
‘एवं किट्टीसु थोवो अणुभागो । किसं कम्मं कदं जम्हा तम्हा किट्टी। एदं लक्खणं । एत्तो विदियमलगाहा । तं जहा।
(११३) कदिसु च अणुभागेसु च ट्ठिदीसु वा केत्तियासु का किट्टी।
सव्वासु वा ट्ठिदीसु च आहो सम्वासु पत्तेयं ।।१६६।। एदिस्से वे भासगाहाओ । १°मूलगाहापुरिमद्धे एक्का भासगाहा । तिस्से समुक्कित्तणा । (११४) किट्टी च ठिदिविसेसेसु असंखेज्जेसु णियमसा होदि ।
__ . णियमा अणुभागेसु च होदि हु किट्टी अर्णतेसु ॥१६७।। १'विहासा। कोधस्स पढमसंगहकिट्टि वेदेंतस्स तिस्से संगहकिट्टीए एक्केक्का किट्टी विदियट्ठिदीसु । सम्वासु पढमठ्ठिदीसु च उदयवज्जासु एक्केक्का किट्टी सव्वासु ट्ठिदीसु । १२उदयट्ठिदीए पुण वेदिज्जमाणियाए संगहकिट्टीए जाओ किट्टीओ तासिमसंखेज्जा भागा । सेसाणमवेदिज्जमाणिगाणं संगहकिट्टीणमेक्के क्का किट्टी सव्वासु विदियट्ठिदीसु, पढमट्ठिदीसु णस्थि । १३एक्केक्का किट्टी अणुभागेसु अणं तेसु । जेसु पुण एक्का ण तेसु विदिया। विदियाए नासगाहाए समुक्कित्तणा।
(११५) सव्वाओ किट्टीओ विदियट्ठिदीए दु होंति सविस्से ।
जं किट्टि वेदयदे. तिस्से अंसो च पढमाए ॥१६७।। १५एदिस्से विहासा वत्ता चेव पढमभासगाहाए । १९एत्तो तदियाए मुलगाहाए समुक्कित्तणा । (११६) किट्टी च पदेसग्गेणणुभागग्गेण का च कालेण ।
अधिगा समा व हीणा गुणेण किं वा विसेसेण ॥१६८।। १"एदिस्से तिणि अत्था। किट्टी च पदेसग्गेणेत्ति पढमो अत्थो। एदम्मि पंच भासगाहाओ। १ अणुभागग्गेणेत्ति विदियो अत्थो । एत्थ एक्का भासगाहा । का च कालेणेत्ति ददिओ अत्थो । एत्थ छतब्भासगाहाओ। पढमे अत्थे भासगाहाणं समुक्कित्तणा।
१. पृ० ५३ । २. पृ० ५४ । ३ पृ० ५५ । ४. पृ० ५६ । ५. पृ० ५७ । ६. पृ० ५८ । ७. पृ० ६१। ८. पृ० ६२ । ९. पृ० ६३। १०. पृ० ६४। ११. पृ० ६५। १२. पृ० ६६ । १३. पृ० ६७ । १४. पृ० ६८ १५. पृ० ६९ । १६. पृ० ७० । १७. पृ. ७१। १८. पृ० ७२ ।
| SR No. | 090227 |
| Book Title | Kasaypahudam Part 15 |
| Original Sutra Author | Gundharacharya |
| Author | Fulchandra Jain Shastri, Kailashchandra Shastri |
| Publisher | Bharatvarshiya Digambar Jain Sangh |
| Publication Year | 2000 |
| Total Pages | 390 |
| Language | Hindi, Sanskrit |
| Classification | Book_Devnagari, Karma, & Religion |
| File Size | 38 MB |