Page Text
________________
३८६
जयधवला
'जाधे पढमदाए मोहणीयस्स पलिदोवमस्स असंखेज्ज दिभागो छिदिवंधो जादो ताधे अप्पाबहुअंणामा-गोदाणं ट्ठिदिबंधो थोवो । चदुण्हं कम्माणं द्विदिबंधो तुल्लो असंखेज्जगुणो। मोहणीयस्स ट्ठिदिबंधो असंखेज्जगुणो। एदेण कमेण संखेज्जाणि ठिदिबंधसहस्साणि गदाणि । तदो जम्हि अण्णो ट्ठिदिबंधो तम्हि एक्कसराहेण णामागोदाणं ट्ठिदिबंधो थोवो । चदुहं कम्माणं ट्ठिदिबंधो तुल्लो असखेज्जगणो । मोहणीयस्स छिदिबंधो असंखेज्जगुणो।
२एदेण कमेण संखेज्जाणि ट्ठिदिबंधसहस्साणि गदाणि । तदो जम्हि अण्णो ठिदिबंधो तम्हि एक्कसराहेण मोहणीयस्स ट्ठिदिबंधो थोवो । णाम-गोदाणं ट्ठिदिबंधो असंखेज्जगुणो। चउण्हं कम्माणं ट्ठिदिबंधो तुल्लो असंखेज्जगुणो। एदेण कमेण संखेज्जाणि ठिदिबंधसहस्साणि गदाणि । तदो जम्हि अण्णो ठिदिबंधो तम्हि एक्कसराहेण मोहणीयस्स टिठदिबंधो थोवो। णामा-गोदाणं टिदिबंधो असंखेज्जगुणो। तिण्हं घादिकम्माणं ठिदिबंधो असंखेज्जगुणो। वेदणीयस्स छिदिबंधो असंखेज्जगुणो ।
एवं संखेज्जाणि ट्ठिदिबंधसहस्साणि गदाणि । तदो अण्णो ठिदिबंधो एक्कसराहेण मोहणीयस्स ट्ठिदिबंधो थोवो । तिण्हं घादिकम्माणं ट्ठिदिबंधो असंखेज्जगुणो। णामा-गोदाणं ट्ठिदिबंधो असंखेज्जगुणो। वेदणीयस्स ट्ठिदिबंधो विसेसाहिओ। एदेणेव कमेण संखेज्जाणि ठिदिबंधसहस्साणि गदाणि । तदो ट्ठिदिसंतकम्ममसण्णि ट्ठिदिबंधण समगं जादं । तदो संखेज्जेसु ठिदिबंधसहस्सेसु गदेसु चउरिदियट्ठिदिबंधण. समगं जादं । एवं तीइदिय-वीइदियटिदिबंधेण समगं जादं । तदो संखेज्जेसु ठिदिबंधसहस्सेसु गदेसु एई दियट्ठिदिबंधण समगं ट्ठिदिसंतकम्मं जादं ।
तदो संखेज्जेसु टिदिबंधसहस्सेसु , गदेसु णामागोदाणं पलिदोवमट्ठिदिसंतकम्मं जादं । ताधे चदुण्हं कम्माणं दिवडढपलिदोवमट्रिदिसंतकम्मं । मोहणीयस्स वि वेपलिदोवमट्रिदिसंतकम्मं । एदम्मि द्विदिखंडए उक्किण्णे णामा-गोदाणं पलिदोवमस्स संखेज्जदिभागियं द्विदिसंतकम्मं । ताधे अप्पावहुआ। सम्वत्थोवं णामागोदाणं ट्ठिदिसंतकम्मं । चउण्हं कम्माणं ट्रिदिसंतकम्मं तुल्लं संखेज्जगुणं। मौहणीयस्स ट्रिदिसंतकम्म विसेसाहियं ।
एदेण कमेण टिदिखंडयपुधत्ते गदे तदो चदुण्हं कम्माणं पलिदोवमट्रिदिसंतकम्मं । ताधे मोहणीयस्स पलिदोवमं तिभागुत्तरं द्विदिसंतकम्मं । "तदो टिदिखंडये पुण्णे चदुण्हं कम्माणं पलिदोवमस्स संखेज्जदिमागो ठिदिसंतकम्मं । ताधे अप्पाबहुअं-सव्वत्थोवं णामा-गोदाणं छिदिसंतकम्मं । चदुण्डं कम्माणं द्विदिसंतकम्म तुल्लं संखेज्जगुणं । मोहणीयस्स ट्रिदिसंतकम्म संखेज्जगुणं ।
तदो ट्ठिदिखंडयपुधत्तेण मोहणीयस्स ट्ठिदिसंतकम्म पलिदोवमं जादं । तदो द्विदिखंडए पुण्णे सत्तण्हं कम्माणं पलिदोवमस्स संखेज्जदिभागो ट्ठिदिसंतकम्मं जायं । तदो संखेज्जेसु टिदिखंडयसहस्सेसु गदेसु णामागोदाणं पलिदोवमस्स असंखेज्जदिभागो ट्रिदिसंतकम्मं जादं । ताधे अप्पाबहुअं-सव्वत्थोवं णामागोदाणं ट्ठिदिसं कम्मं । चउण्हं कम्माणं ट् िठदिसंतकम्मं तुल्लमसंखेज्जगुणं । मोहणीयस्स ट्ठिदिसंतकम्मं संखेज्जगुणं ।।
तदो ठिदिखंडयपुत्तेण चउण्हं कम्माणं पलिदोवमस्स असंखेज्जदिभागो ट्ठिदिसंतकम्मं जादं । ताधे अप्वाबहुधे-णामा-गोदाणं ट्ठिदिसंतकम्मं थोवं । चउण्हं कम्माणं ट्ठिदिसंतकम्मं तुल्लमसंखेज्जगुणं । मोहणीयस्स ट्ठिदिसंतकम्ममसंखेज्जगुणं । तदो ठिदिखंडयपुधत्तेण मोहणीयस्स वि पलिदोवमस्स असंखेज्जदिभागो ट्ठिदिसंतकम्मं जादं । ताघे अप्पाबहुअं । जधा-णामा-गोदाणं ट्ठिदिसंतकम्मं थोवं । चदुण्हं कम्माणं ट्ठिदिसंतकम्मं तुल्लमसंखेज्जगुणं । मोहणीयस्स ट्ठिदिसंतकम्मं असंखेज्जगुणं ।
१. पृ० १९३ । २. पृ० १९४ । ३. पृ० १९५ । ४. पृ० १९६ । ५. पृ० १९७ । ६. पृ० १९८ ।
| SR No. | 090226 |
| Book Title | Kasaypahudam Part 14 |
| Original Sutra Author | Gundharacharya |
| Author | Fulchandra Jain Shastri, Kailashchandra Shastri |
| Publisher | Bharatvarshiya Digambar Jain Sangh |
| Publication Year | 2000 |
| Total Pages | 442 |
| Language | Hindi, Sanskrit |
| Classification | Book_Devnagari, Karma, & Religion |
| File Size | 40 MB |