________________
३३०
जयधवलासहिदे कसायपाहुडे
जहणिया विसेसाहिया । लोभद्धा जहण्णिया विसेसाहिया । माणद्धा उक्कस्सिया संखेज्जगुणा । 'कोधद्धा उक्कस्सिया विसेसाहिया । मायद्धा उक्कस्सिया विसेसाहिया । लोभद्धा उक्कस्सिया विसेसाहिया ।
पवाइज्जंतेण उवदेसेण अद्धाणं विसेसो अंतोमुहुत्तं । तेणेव उवदेसेण चउगहसमासेण अप्पा बहुअं भणिहिदि । चदुर्गादिसमासेण जहण्णुक्कस्सपदेसेण निरयगदीए जहणिया लोभद्धा थोवा । देवगदीए जहण्णिया कोधद्धा विसेसाहिया । देवगदी जहणिया माणद्धा संखेज्जगुणा । णिरयगदीए जहणिया मायद्धा विसेसाहिया । णिरयगदीए जहणिया माणद्धा संखेज्जगुणा । देवगदीए जहणिया मायद्धा विसेसाहिया | मणुस - तिरिक्खजोणियाणं जहण्णिया माणद्धा संखेज्जगुणा | मणुस - तिरिक्खजोणियाणं जहणिया कोधद्धा विसेसाहिया । मणुस - तिरिक्खजोणियाणं जहणिया माया विसेसाहिया । मणुस - तिरिक्खजोणियाणं जहण्णिया लोहद्धा विसेसाहिया ।
रियगदीए जहणिया कोधद्धा संखेज्जगुणा । "देवगदीए जहण्णिया लोभद्धा विसेसाहिया । णिरयगदीए उक्कस्सिया लोभद्धा संखेज्जगुणा । देवगदीए उक्कस्सिया का विसेसाहिया । देवगदीए उक्कस्सिया माणद्धा संखेज्जगुणा । णिरयगदीए उक्कस्सिया मायद्धा विसेसाहिया । णिरयगदीए उक्कस्सिया माणद्धा संखेज्जगुणा । देवगदी उकस्सिया मायद्धा विसेसाहिया ।
1
मणुस-तिरिक्खजोणियाणमुक्कस्सिया माणद्धा संखेज्जगुणा । 'तेसिं चेव उक्कसियाकोधद्धा विसेसाहिया । तेसिं चेव उक्कस्सिया मायद्धा विसेसाहिया । तेसिं चेव उकस्सिया लोभद्धा विसेसाहिया । णिरयगदीए उक्कस्सिया कोधद्धा संखेज्जगुणा । देवगदी उक्कस्सिया लोभद्धा विसेसाहिया ।
तेसिं चेव उवदेसेण चोदसजीवसमासेहिं दंडगो भणिहिदि । चोदसण्हं जीवसमासाणं देव - णेरइयवज्जाणं जहणिया माणद्धा तुल्ला थोवा । जहणिया कोधद्धा विसेसाहिया । जहणिया मायद्धा विसेसाहिया । जहण्णिया लोभद्धा विसेसाहिया ।
सुहुमस्स अपज्जत्तयस्स उक्कस्सिया माणद्धा संखेज्जगुणा । 'उक्कस्सिया कोघद्धा विसेसाहिया । उक्कस्सिया मायद्धा विसेसाहिया । उक्कस्सिया लोभद्धा विसेसाहिया ।
बादरेइंदियअपज्जत्तयस्स उक्कस्सिया माणद्धा संखेजगुणा । उक्कस्सिया कोधद्धा विसेसाहिया । उक्कस्सिया मायद्धा विसेसाहिया । उक्कस्सिया लोभद्धा विसेसाहिया ।
(१) पृ. १८ । (२) पृ. १९ । (३) पृ. २० । (४) पृ. २१ । (५) पृ. २२ । (६) पृ. २३ । (७) पृ. २४ । (८) पृ. २५ ।
