Page Text
________________
५३८
जयधवलासहिदे कसायपाहुडे खवेदुमाढतो, तदो गवुसयवेदस्स अपच्छिमद्विदिखडयं चरिमसमयसंछुहमाणयस्स तस्स णqसयवेदस्त उकस्सओ पदेससंकमो। कोहसंजलणस्स उकस्सओ पदेससंकमो कस्स ? जेण पुरिसवेदो उकस्सओ संछुद्धो कोधे तेणेव जाधे माणे कोधो सव्वसंकमेण संछुभदि ताधे तस्स कोधस्स उकस्सओ पदेससंकमो । १एदस्स चेव माणसंजलणस्स उक्स्स ओ पदेससंकमो कायव्यो । णवरि जाधे माणसंजलणो मायासंजलणे संछुभइ ताधे । एदस्स चेव मायासंजलणस्स उक्कस्सओ पदेससंकमो कायव्यो । णवरि जाधे मायासंजलणो लोभसंजलणे संछुब्मइ ताधे । लोभसंजलणस्स उक्कस्सओ पदेससंकमो कस्स ? २गुणिदकम्मसिओ सव्वलहुँ खवणाए अब्भुद्विदो अंतरं से काले कादण लोहस्स असंकामगो होहिदि ति तस्स लोहस्स उक्कस्सओ पदेससंकमो।
___ ३एतो जहण्णयं ? मिच्छत्तस्स जहण्णओ पदेससंकमो कस्स ? ४खविदकम्मंसिओ एई दियकम्मेण जहण्णएण मणुसेसु आगदो, सव्वलहु चेव सम्म पडिवण्णो, संजमं संजमासंजमं च बहुसो लभिदाउगो, चत्तारि वारे कसाए उत्सामित्ता वेछावहिसागरो० सादिरेयोणि सम्मत्तमणुपालिदं, तदो मिच्छत्तं गदो, अंतोमुहुत्तेण पुणो तेण सम्म लद्धं, पुणो सागरोवमपुधत्तं सम्मत्तमणुपालिदं, तदो दंसणमोहणीयक्खबवणाए अब्भुट्टिदो तस्स चरिमसमयअधापवत्तकरणस्स मिच्छत्तस्स जहण्णओ पदेससंकमो। ५सम्मत्त-सम्मामिच्छत्ताणं जहण्णओ पदेससंकमो कस्स ? एसो चेव जीवो मिच्छत्तं गदो, तदो पलिदोवमस्स असंखेजदिभागं ६गंतूण अप्पप्पणो दुचरिमट्ठिदिखंडयं चरिमसमयउव्वेल्लमाणयस्स तस्स जहण्णओ पदेससंकमो । ७अणंताणुबंधीणं जहण्णओ पदेससंकमो कस्स ? एह दियकम्मेण जहण्णएण तसेसु आगदो, संजमं संजमासंजमं च बहुसो लद्धण चत्तारि वारे कसाए उत्सामित्ता तदों एइंदिऐसु पलिदोवमस्स असंखे०भागमच्छिदों जाव उवसामयसमयपबद्धा णिग्गलिदा ति । तदो पुणो तसेसु आगदो, सव्वलहु समम्तं लद्धं, अणंताणुबंधिणो च विसंजोइदा, पुणो मिच्छत्तं गंतूण अंतोमुहुत्तं संजोएदूण पुणो तेण सम्मत्तं प्लद्ध, तदो सागरोवमवेछावट्ठीओ अणुपालिदं, तदो विसंजोएदुमाढत्तो तस्स अधापवत्तकरणचरिमसमए अणंताणुवंधीणं जहण्णओ पदेससंकमो। ६अट्टण्हं कसायाणं जहण्गओ पदेससंकमो कस्स ? १०एइंदियकम्मेण जहण्णएण तसेसु आगदो, संजमासंजमं संजमं च बहुसो गदो, चत्तारि वारे कसाए उत्सामित्ता तदो एइदिएसु गदो, असंखेजाणि वस्माणि अच्छिदो जाव उवसामयसमयपबद्धा णिग्गलंति । तदो तसेसु आगदो, संजमं सबलहुँ लद्धो, पुणो कसायक्खवणाए उबढिदो तस्स अधापवत्तकरणस्स चरिमसमए अट्ठण्हं
(१) पृ० १८७ । (२) पृ० १८८ । ( ३) पृ० १६४ । (४) पृ० १६५ । (५) पृ० १६८ । (६) पृ० १६८ । (७) पृ० २०० । (८) पृ० २०१ । (६) पृ० २०२। (१०) पृ० २०३ ।
| SR No. | 090221 |
| Book Title | Kasaypahudam Part 09 |
| Original Sutra Author | Gundharacharya |
| Author | Fulchandra Jain Shastri, Kailashchandra Shastri |
| Publisher | Bharatvarshiya Digambar Jain Sangh |
| Publication Year | 2000 |
| Total Pages | 590 |
| Language | Hindi, Sanskrit |
| Classification | Book_Devnagari, Karma, & Religion |
| File Size | 19 MB |