________________
सूरिप्रणीतम् ] श्रीजीराउलीपार्श्वस्तवनम् । १५१ मच्चेतसस्तव गिरश्च सदाप्यभावमन्योन्यपूर्वकमपास्य जगन्नमस्य ! । तादात्म्यमेव कुरु येन विभो ! भजेयं तत्तावकीनपदमभ्युदयावदातम् ॥ यास्यत्ययं कुगतिमेव कुकर्मकृत्त्वादित्येष हेतुरिह लक्षणलक्षिताङ्गः । सिद्धोऽप्यसिद्धपदवीमयते यतीश ! त्वद्ध्यानबन्धुरतरस्य नरस्य सद्यः।। भास्वत्प्रमाणयुगलोज्ज्वललोचनश्रीर्देव ! त्वया सदसदात्मकवस्तुरूपः । स्याद्वाद एष निहितः प्रणिहन्ति सद्यः कण्ठीरवः
कठिनवादिमदद्विपेन्द्रान् ॥२१॥ कालाद्यभेदवशतो युगपत् समग्रादेशात्मिका निगदिता खलु सप्तभङ्गी । स्वामिन् ! प्रमाणवचनं भवतेयमाशु वादे ददाति विजयश्रियमेव पुंसाम् ॥ वस्त्वंशमात्रकथनादसमप्रभावादेशात्मिका नयवचःशुचिसप्तभङ्गी । स्यादेवकारकलिता भवता न्यगादि या सापि देव !
- कुमतद्विपराजिसिंही ॥ २३ ॥ एकत्र वस्तुनि जनिस्थितिनाशरूपैः कालत्रयेण गुणितैः स्वपरत्वयुक्तैः । भङ्गैस्त्वयोक्तमवगच्छति वस्त्वनन्तधर्मात्मकं प्रवरधीधन एव नाऽन्यः।। उच्चारितेऽपि तव नाम्नि विपद्विनाशः सम्पद्यते सपदि सम्पदपि प्रकृष्टा। मुक्त्यङ्गनाऽपि वृणुते तदयं जनौघो रात्रिंदिवं स्मरति देव ! तदेव हर्वात्।। जन्मक्षणे तव विभो ! सुरसुन्दरीणां
नाट्यत्रुटत्प्रवरहारलताच्युतैस्तैः । सद्रत्नमौक्तिकगणमहिलेव मेरो
भूः काञ्चनीसुभगतां समवाप सद्यः ॥ २६ ॥ ब्रह्मात्मकं परमसौख्यमयं प्रधानै___श्वर्य कुकर्मरहितं सहितं गुणौधैः ।
