________________
(२३६) जैनस्तोत्रसन्दोहे [श्रीजिनप्रमइगवीससयक्खरसूरिमंतसवणाउ झत्ति संजाया। आमोसहि-विप्पोसहिपमुहा तुह लद्धिरिंगोली ॥ ९ ॥ तुह अंगं फरिसिय जं फासइ पवणो जलासयाण जलं । . तं पीऊण मणुस्सा उविंति छम्मासमारुग्गं ॥ १०॥ .. तंबंपि होइ हेमं निट्ठीवणकाइआविलित्तं ते । तिहुयणअच्छेरकरं जयइ अहो जोगमाहप्पं ॥ ११ ॥ नूणं विसिटुफलयं थावरतित्थाउ जंगमं तित्थं । इअ अद्वावयमुज्झिय ते रिसिणो तं चिअलीणा ॥१२॥ कोडिनदिन्न-सेवालि-तावसा तिजुअ पनरस सया य । अप्पा य तप्पिआ पहु ! इग पायसपडिगहेण तए ॥१३॥ अक्खीणमहाणसलद्धिणो अ तुह नामगहणमित्तेण । अजवि लहंति भविआ मणचुंबिअरिद्धिसिद्धीओ ॥ १४ ॥ पहु ! अन्ने दायारा संतं चिअ वत्थु विअरिउं पइणो । तं पुण सदिक्खिआणं विअरसि केवलमसंतंपि ॥१५॥ परिसाइ तिसद्विअहिअतिसयपासंडिवयणविण्णासा । तुह वयणनीरपूरे इक्कंमिवि तणमिव तरंति ॥१६॥ इअरछउमत्थसुअमयपसमत्थं चेव वत्थुवित्तीए। आणंदोहिवइअरे तुह खलिअं सुव्वए नूणं ॥१७॥ अम्हारिसावि विगुणा जं गणहरसद्दमुव्वहंति जए । सो तुम्ह कहिअगणहरमंतनिवेसस्स महिमलवो ॥१८॥ तीसं वरिसंते पहु ! केवललच्छि सयंवरमुर्विति । तमुविक्खित्था तं वीरभत्तिभंगप्पसंगभया ॥१९॥
Jain Education International
For Personal & Private Use Only
www.jainelibrary.org
