Agam 13 Rajprashniya Gujarati Translation

SR No.: 035614
Original Sutra Author: N/A
Author: Dipratnasagar, Deepratnasagar
Publisher: Dipratnasagar, Deepratnasagar
Publication Year: 2020
Total Pages: 64
Language: Gujarati
Classification: Book_Devnagari, Book_Gujarati, & agam_rajprashniya
File Size: 3 MB

Page 6

આગમસૂત્ર 13, ઉપાંગસૂત્ર 2, રાજપ્રશ્નીયા [13] રાજપક્ષીય ઉપાંગસૂત્ર-૨- ગુજરાતી ભાવાનુવાદ સૂત્ર-૧, 2 1. તે કાળે, તે સમયે આમલકલ્પા નામે નગરી હતી. તે ઋદ્ધ-સ્તિમિત-સમૃદ્ધ યાવતુ પ્રાસાદીય, દર્શનીય, 2. આમલકલ્પા નગરી બહાર ઈશાન ખૂણામાં આમ્રશાલવન નામે ચૈત્ય હતું. તે પ્રાચીન યાવત્ પ્રતિરૂપ હતું સૂત્ર-૩ શ્રેષ્ઠ અશોકવૃક્ષ અને પૃથ્વીશિલાપટ્ટકની વક્તવ્યતા વિવાઈ સૂત્રના આલાવા અનુસાર જાણવી. સૂત્ર-૪ આમલકલ્પામાં શ્વેત નામે રાજા હતા, ધારિણી નામે રાણી હતા. ભગવંત મહાવીર સ્વામી પધાર્યા, પર્ષદા વંદનાર્થે નીકળી યાવત્ રાજા ભગવંત મહાવીરની પર્યુપાસના કરે છે. સૂત્ર-૫ અધૂરું. તે કાળે, તે સમયે સૂર્યાભદેવ સૌધર્મકલ્પમાં સૂર્યાભવિમાનમાં સુધર્માસભામાં સૂર્યાભ સિંહાસન ઉપર 4000 સામાનિકો, સપરિવાર ચાર અગ્રમહિષીઓ, ત્રણ પર્ષદા, સાત સૈન્ય, સાત સૈન્યાધિપતિ, 16,000 આત્મરક્ષક દેવો, બીજા પણ ઘણા સૂર્યાભવિમાનવાસી વૈમાનિક દેવો-દેવીઓ સાથે સંપરીવરીને મોટેથી વગાડતા વાદ્ય, નૃત્ય, ગીત, વાજિંત્ર, તંત્રી, તલ-તાલ, ત્રુટિત, ઘનમૃદંગના પ્રવાદિત રવથી દિવ્ય ભોગોને ભોગવતો હતો. આ સંપૂર્ણ જંબૂદ્વીપ દ્વીપને વિપુલ અવધિજ્ઞાન વડે અવલોકતો અવલોકતો જુએ છે. સૂત્ર-૫ અધૂરેથી... ત્યાં શ્રમણ ભગવંત મહાવીરને જંબૂદ્વીપના ભરતક્ષેત્રમાં આમલકલ્પા નગરી બહાર આમ્રશાલવન ચૈત્યમાં યથાપ્રતિરૂપ અવગ્રહ અવગ્રહીને સંયમ અને તપથી આત્માને ભાવતા જુએ છે. જોઈને હૃષ્ટ-તુષ્ટ-આનંદિત ચિત્તનંદિત-પ્રીતિમનાવાળા-પરમ સૌમનસ્ટિક-હર્ષના વશથી વિકસિત હૃદયવાળા, વિકસિત શ્રેષ્ઠ કમલ જેવા નયનવાળા, અપાર હર્ષના કારણે પહેરેલા શ્રેષ્ઠ કટક, ત્રુટિત, કેયૂર, મુગટ, કુંડલ ચંચળ થયા, હારથી શોભતા. વક્ષઃસ્થળવાળા, નીચે સુધી લટકતા, કંપાયમાન અને પરસ્પર અથડાતા આભૂષણધારી તે સૂર્યાભદેવ,ભગવંતને જોતા જ સંભ્રમ(ઉત્સુકતા) સાથે, ત્વરિત અને ચપળતાપૂર્વક સિંહાસનેથી ઉઠ્યો, ઉઠીને પાદપીઠથી નીચે ઊતર્યો. એકશાટિક ઉત્તરાસંગ કર્યું . તે સાત-આઠ પગલાં તીર્થંકર અભિમુખ જાય છે, જઈને ડાબો જાનુ ઊંચો રાખ્યો, જમણો જાનુ ધરણીતલે રાખીને ત્રણ વખત મસ્તકને ધરણીતલે રાખે છે. પછી કંઈક નમીને બે હાથ જોડી, દશ નખ ભેગા કરી, મસ્તકે આવર્ત કરી, મસ્તકે અંજલિ કરીને કહ્યું - સિદ્ધિગતિ નામક સ્થાન્નપ્રાપ્ત થયેલા અરિહંત ભગવંતોને મારા નમસ્કાર થાઓ. અરહંત, ભગવંત, આદિકર, તીર્થંકર, સ્વયંસંબુદ્ધ, પુરુષોત્તમ, પુરુષસિંહ, પુરુષવરપુંડરીક, પુરુષવરગંધહસ્તી, લોકોત્તમ, લોકનાથ, લોકહિતકારી, લોકપ્રદીપ, લોકપ્રદ્યોતકર, અભય-ચક્ષુ-માર્ગ-જીવ-શરણ અને બોધિ દાતા, ધર્મદાતા, ધર્મદેશક, ધર્મનાયક, ધર્મસારથી, ધર્મવર ચાતુરંત ચક્રવર્તી, અપ્રતિહત શ્રેષ્ઠ જ્ઞાન-દર્શનધર, વિવૃત્ત છદ્મ, જિન-જાપક, તિર્ણ-તારક, બુદ્ધ-બોધક, મુક્ત-મોચક, સર્વજ્ઞ-સર્વદર્શી, શિવ-અચલ-અરુજ-અનંત-અક્ષય મુનિ દીપરત્નસાગર કૃત્ “(રાજપ્રશ્નીય)” આગમસૂત્ર ભાવાનુવાદ Page 6