Agam 08 Antkruddasha Gujarati Translation

SR No.: 035609
Original Sutra Author: N/A
Author: Dipratnasagar, Deepratnasagar
Publisher: Dipratnasagar, Deepratnasagar
Publication Year: 2020
Total Pages: 40
Language: Gujarati
Classification: Book_Devnagari, Book_Gujarati, & agam_antkrutdasha
File Size: 2 MB

Page 6

આગમસૂત્ર 8, અંગસૂત્ર 8 અંતકૃ-દશાંગ સૂત્ર [8] અંતકત દશા અંગસૂત્ર 8- ગુજરાતી ભાવાનુવાદ સૂત્ર-૧ થી 3 ૧.તે કાળે, તે સમયે ચંપા નામે નગરી હતી, પૂર્ણભદ્ર ચૈત્ય હતું. (બન્નેનું વર્ણન ઉવવાઈ સૂત્ર મુજબ જાણવું). તે કાળે, તે સમયે આર્ય સુધર્મા પધાર્યા, પર્ષદા નીકળી યાવત્ પાછી ગઈ. તે કાળે, તે સમયે આર્ય સુધર્માસ્વામીના શિષ્ય, આર્ય જંબૂસ્વામી યાવત્ પય્પાસના કરતા બોલ્યા કે - જો મૃતધર્મની આદિ કરનારા યાવત્ નિર્વાણને પ્રાપ્ત ભગવંત મહાવીર સ્વામીએ સાતમા અંગસૂત્ર ઉપાસકદશાનો આ. અર્થ કહ્યો છે, તો હે ભગવન્! આઠમાં અંગસૂત્રનો શ્રમણ ભગવંતે શો અર્થ કહ્યો છે? હે જંબૂ! શ્રમણ ભગવંતે આઠમા અંગ અંતકૃદશાના આઠ વર્ગો કહ્યા છે. વર્ગ-૧, અધ્યયન.૧ થી 10 ભગવન્! જો શ્રમણ ભગવંત મહાવીરે આઠમા અંગ અંતકૃદશાના આઠ વર્ગો કહ્યા છે, તો ભંતે ! અંતકૃદશાના પહેલા વર્ગના શ્રમણ યાવત્ નિર્વાણને પ્રાપ્ત ભગવંત મહાવીર સ્વામીએ કેટલા અધ્યયન કહ્યા છે? હે જંબૂ ! શ્રમણ ભગવંતે યાવત્ આઠમા અંગના પહેલા વર્ગના દશ અધ્યયનો કહ્યા છે. તે આ - 2. ગૌતમ, સમુદ્ર, સાગર, ગંભીર, તિમિત, અચલ, કાંડિલ્ય, અક્ષોભ, પ્રસેન, વિષ્ણુકુમાર આ દશ અધ્યયનો પ્રથમ વર્ગમાં કહેલા છે. ભંતે ! જો શ્રમણ યાવત્ યાવત્ નિર્વાણને પ્રાપ્ત ભગવંત મહાવીરે અંતકૃદ્દશા આઠમા અંગના પહેલા વર્ગના દશ અધ્યયનો કહ્યા છે, તો ભંતે ! શ્રમણ ભગવંત મહાવીરે પહેલા અધ્યયનનો શો અર્થ કહ્યો છે ? નિશ્ચે હે જંબૂ ! તે કાળે, તે સમયે દ્વારવતી નગરી હતી, બાર યોજન લાંબી, નવ યોજન પહોળી હતી, તે ધનપતિની મતિથી બનાવેલી, સુવર્ણના પ્રાકારવાળી, વિવિધ પંચરંગી મણીના કાંગરા વડે મંડિત, સુરમ્ય, અલકાપુરી સદશ, પ્રમુદિત-પ્રક્રીડિત, પ્રત્યક્ષ દેવલોક સમાન, પ્રાસાદીય(ચિત્તને પ્રસન્ન કરનારી), દર્શનીય(જોવા લાયક), અભિરૂપ અને પ્રતિરૂપ હતી. તે દ્વારવતી નગરી બહાર ઈશાન ખૂણામાં રૈવત નામે પર્વત હતો, તે રેવત પર્વતે નંદનવન નામે ઉદ્યાન હતું, સુરપ્રિય નામના યક્ષનું પુરાતન -જૂનું યક્ષાયતન હતું. તે એક વનખંડથી ઘેરાયેલ હતું. તે વનખંડ મધ્યે એક ઉત્તમ અશોકવૃક્ષ હતું. તે દ્વારવતી નગરીમાં કૃષ્ણ નામે વાસુદેવ રાજા રાજ્ય કરતો હતો, તે મહાન, મહા હિમવંત પર્વત સમાન હતો, ઇત્યાદિ રાજાનું વર્ણન ઉજવાઈ સૂત્ર અનુસાર કરવું. તે ત્યાં સમુદ્રવિજય આદિ દશ દશાર્ણ, બલદેવ આદિ પાંચ મહાવીર, પ્રદ્યુમ્ન આદિ સાડા ત્રણ કરોડ કુમારો, શાંબ આદિ 60,000 દુર્દીતો, મહસેન આદિ 56,000 બળવાનો, વીરસેન આદિ 21,000 વીરો, ઉગ્રસેન આદિ 16,000 રાજા, રુકિમણી આદિ 16,000 દેવીઓ, અનંગસેના આદિ અનેક હજાર ગણિકાઓ તથા બીજા પણ ઘણા ઇશ્વર, તલવર, માડમ્બિક, કૌટુંબિક, ઇભ્ય, શ્રેષ્ઠી, સેનાપતિ, અને સાર્થવાહોનું તેમજ દ્વારાવતી નગરી અને સમગ્ર અર્ધ ભરતક્ષેત્રનું આધિપત્ય, ભર્તૃત્વ, સ્વામિત્વ, મહત્તરત્વ, આજ્ઞાકારક સેનાપતિત્વ કરતો યાવત્ વિચરતો હતો. તે દ્વારવતી નગરીમાં અંધકવૃષ્ણિ રાજા હતો, તેનું મહા હિમવંત આદિ વિશેષણો યુક્ત વર્ણન કરવું. તે રાજાને ધારિણી રાણી હતી. તે ધારિણી દેવી કોઈ દિવસે તેવી, તેવા પ્રકારની શય્યામાં સૂતી હતી ઇત્યાદિ (જ્ઞાતાધર્મકથા મુનિ દીપરત્નસાગર કૃત્ “(અંતકૃત્ દશા)” આગમસૂત્ર ભાવાનુવાદ Page 6