Agam 02 Sutrakrut Gujarati Translation

SR No.: 035602
Original Sutra Author: N/A
Author: Dipratnasagar, Deepratnasagar
Publisher: Dipratnasagar, Deepratnasagar
Publication Year: 2020
Total Pages: 104
Language: Gujarati
Classification: Book_Devnagari, Book_Gujarati, & agam_sutrakritang
File Size: 4 MB

Page 99

e - આગમસૂત્ર 2, અંગસૂત્ર 2 ‘સૂત્રકૃ’ રાખતો હોય, તે જ્ઞાન-દર્શન-ચારિત્રને પામીને પાપકર્મ ન કરવાને માટે પ્રવૃત્ત હોય, પણ તે પરલોકનો વિઘાત. કરતો રહે છે. જે શ્રમણ કે માહણની નિંદા નથી કરતા પણ મૈત્રી સાધે છે તથા જ્ઞાન-દર્શન-ચારિત્રને પામીને કર્મોના વિનાશ માટે પ્રવૃત્ત થયેલા છે, તે મનુષ્ય નિશ્ચયથી પરલોકની વિશુદ્ધિ માટે સ્થિત છે. ત્યારે તે ઉદક પેઢાલપુત્ર ગૌતમ સ્વામીનો આદર કરતાં જે દિશાથી આવ્યા હતા, તે દિશામાં જવા માટે તત્પર થયા. ત્યારે ભગવાન ગૌતમે કહ્યું - હે આયુષ્યમાનું ઉદક ! જે પુરુષ તથાભૂત શ્રમણ કે માહણ પાસે એક પણ આર્ય ધાર્મિક સુવચન સાંભળી - સમજીને પોતાની સૂક્ષ્મ બુદ્ધિથી વિચારે છે કે તેણે મને અનુત્તર કલ્યાણપદને પ્રાપ્ત કરાવ્યું છે, તેનો આદર કરે છે, ઉપકારી માને છે, તેમને વંદન-નમસ્કાર કરે છે, સત્કાર-સન્માન કરે છે. યાવત્ કલ્યાણ-મંગલ-દેવક-ચૈત્યક માનીને તેની પર્યાપાસના કરે છે. ત્યારે ઉદક પેઢાલપુત્રે ગૌતમ સ્વામીને કહ્યું - હે ભદન્ત ! આ પદો પૂર્વે મેં જાણેલ નહીં, સાંભળેલ નહીં, સમજેલ નહીં, હૃદયંગમ ન કર્યા, તેથી તે પદો મારે અંદષ્ટ-અશ્રુત-અમુક-અવિજ્ઞાત-અનુપધારિત-અનિગૂઢ-અવિચ્છિન્ન-અનિસૃષ્ટ-અનિવૃઢ-અનિર્વાહિતા હતા. તેથી આ અર્થની મેં શ્રદ્ધા ન કરી, પ્રીતિ ન કરી, રુચિ ન કરી. હે પૂજ્ય ! આ પદો હવે મેં જાણ્યા-સાંભળ્યાસમજ્યા યાવતુ તેનો નિશ્ચય કર્યો છે. આ અર્થની હવે શ્રદ્ધા કરું છું, પ્રીતિ કરું છું, રુચિ કરું છું. તે એમ જ છે જે પ્રમાણે તમે કહ્યા છે. ત્યારે ગૌતમસ્વામીએ તેને કહ્યું - હે આયુષ્યમાન્ ઉદક ! હે આર્ય! જે પ્રમાણે અમે કહ્યા છે, તે પ્રમાણે તેની શ્રદ્ધા કરો, પ્રીતિ કરો, રુચિ કરો. ત્યારે તે ઉદક પેઢાલપુત્રે ભગવાન ગૌતમને આ પ્રમાણે કહ્યું - હે ભદન્ત ! હું તમારી પાસે ચતુર્યામ ધર્મને છોડીને પંચ-મહાવ્રતિક સપ્રતિક્રમણ ધર્મ સ્વીકારીને વિચરવા ઇચ્છું છું. ત્યારે તે ભગવાન ગૌતમે ઉદક પેઢાલપુત્રને લઈને જ્યાં શ્રમણ ભગવંત મહાવીર હતા ત્યાં ગયા. જઈને તે ઉદક પેઢાલપુત્રે શ્રમણ ભગવાન મહાવીરને ત્રણ વખત આદક્ષિણ-પ્રદક્ષિણા કરી, ત્રણ વખત આદક્ષિણપ્રદક્ષિણા કરીને વંદન-નમસ્કાર કર્યા, વંદન-નમસ્કાર કરીને કહ્યું - હે ભગવન્! આપની પાસે હું ચતુર્યામ ધર્મ છોડીને પંચમહાવ્રતવાળો સપ્રતિક્રમણ ધર્મ અંગીકાર કરીને વિચરવા ઇચ્છું છું. ત્યારે શ્રમણ ભગવંત મહાવીરે ઉદકને આ પ્રમાણે કહ્યું - જેમ સુખ ઊપજે તેમ કરો, પણ પ્રતિબંધ ન કરો. ત્યારે તે ઉદક પેઢાલપુત્રે શ્રમણ ભગવંત મહાવીર પાસે ચતુર્યામ ધર્મને બદલે પંચ મહાવ્રત વાળો સપ્રતિક્રમણ ધર્મ અંગીકાર કરી વિચરવા લાગ્યા - તેમ હું કહું છું. શ્રુતસ્કંધ-૨, અધ્યય-૭ ‘નાલંદીયનો ગુજરાતી અનુવાદ પૂર્ણ શ્રુતસ્કંધ-૨ ગુજરાતી અનુવાદ પૂર્ણ સૂત્રકૃત સૂત્ર (અંગસૂત્ર-૨, આગમ-૨)નો મુનિ દીપરત્નસાગરે કરેલ ગુજરાતી અનુવાદ મુનિ દીપરત્નસાગર કૃત્ (સૂત્રકૃત)” આગમસૂત્ર ભાવાનુવાદ Page 99