Jain Mantra Stotra Ane Yantra

SR No.: 035316
Original Sutra Author: N/A
Author: Gunant Barvalia
Publisher: Arham Spiritual Centre
Publication Year: 2020
Total Pages: 152
Language: Gujarati
Classification: Book_Gujarati
File Size: 2 MB

Page 6

અમારી દૃષ્ટિમાં શ્રી ઉવસગ્ગહરં સ્તોત્ર આત્મશુદ્ધિથી આત્મસિદ્ધિ સુધીની યાત્રાનું શ્રેષ્ઠ માધ્યમ છે. મોક્ષમાં જવા માટેનો પાસપોર્ટ છે અને અનંતકાળના સંસારપરિભ્રમણથી મુક્તિ અપાવનારો અપૂર્વ સ્તોત્ર છે.
શ્રી ઉવસગ્ગહરં સ્તોત્ર એક શ્રેષ્ઠ રચના છે, જે શ્રેષ્ઠતમ સ્થાન સિદ્ધત્વની પ્રાપ્તિ કરાવે છે.
મહાપ્રભાવક શ્રી ઉવસગ્ગહરં સ્તોત્રને ઘણા અણસમજુ અને અજ્ઞાનીઓ ચમત્કાર માને છે, જ્યારે જે આ સ્તોત્રના રહસ્ય સુધી પહોંચ્યા છે, એના ગર્ભ સુધી પહોંચ્યા છે એવા જ્ઞાની અને સિદ્ધપુરુષોની દૃષ્ટિમાં આ એક વૈજ્ઞાનિક તથ્ય છે. શબ્દો
સંયોજનની કેમિકલ પ્રોસેસ છે.
જો આ ચમત્કાર હોત તો સ્તોત્રનું સ્મરણ કરનાર દરેક વ્યક્તિને એની પ્રભાવકતાનો અનુભવ થાત, પણ એવું બનતું નથી. કોઈ વ્યક્તિ શ્રદ્ધાથી એક જ વાર શ્રી ઉવસગ્ગહરં સ્તોત્રનું સ્મરણ કરે અને એની પ્રભાવકતાનો અનુભવ કરે અને કોઈ વ્યક્તિ વર્ષોથી નિત્ય સ્મરણ કરે છતાં એને કોઈ અનુભૂતિ ન થાય. કેમ કે, આ સ્તોત્ર
માત્ર ચમત્કાર નથી, એની પાછળ એક Reason અને Vision છે, એની પાછળ વ્યક્તિના ભાવ, શ્રદ્ધા અને વિશ્વાસ છે.
મહાપ્રભાવક શ્રી ઉવસગ્ગહરં સ્તોત્ર જ્યારે સર્વાંગથી સ્મરણ થાય છે, ત્યારે તે સર્વ શક્તિમાન બની જાય છે.
આપણા શરીરમાંથી સતત ઊર્જા પ્રગટ થતી હોય છે, જેટલો ઊર્જાનો ફોર્સ હોય એટલી ગતિ હોય. આપણા મુખમાંથી જે શબ્દ નીકળે, એ જેટલાં ફોર્સથી નીકળે, એટલી તીવ્ર ગતિથી એ ચૌદ રાજુલોક સુધી પહોંચે, એ શબ્દમાં જ્યારે સર્વાંગની ઊર્જા અને સ્વયંની શ્રદ્ધા ભળે છે ત્યારે તે શબ્દ એક દિવ્ય શક્તિથી સમૃદ્ધ મંત્રરૂપ બની જાય છે, જેના કારણે વ્યક્તિની નેગેટીવીટી દૂર થાય છે. કર્મોની નિર્જરા થાય છે, પ્રભુતત્ત્વ અને ગુરુતત્ત્વ પ્રત્યે અહોભાવ અને વિશ્વાસ હોય તો પુણ્ય ઉપાર્જન થાય છે, જેના કારણે સકલ કાર્યો સફળ થાય છે.
જ્ઞાનધારા - ૨૦
શ્રી ઉવસગ્ગહરં સ્તોત્રનું સ્મરણ ચમત્કારની દૃષ્ટિએ નથી કરવાનું, પણ એની પ્રગટતી શક્તિઓનો શ્રદ્ધાના સમન્વય સાથે ઉપયોગ કરવાનો છે. એ શક્તિ કેવી રીતે પ્રગટ થાય છે એનું Reason N Vision જાણી, જેમણે આ સ્તોત્રને ઉત્કૃષ્ટ સાધના દ્વારા આત્મસાત્ અને સિદ્ધ કર્યો હોય એના સિદ્ધપુરુષ સદ્ગુરુના શરણે સમર્પિત થઈ, એમની આજ્ઞા અને માર્ગદર્શન અનુસાર સાધના કરવાની હોય છે.
શ્રી ઉવસગ્ગહરં સ્તોત્રની જ્યારે જપ-સાધના કરો, ત્યારે તેના Reason N Vision ને જાણી અને સમજીને કરો તો સમ્યરૂપે પરિણમે ! એક સાધક જ્યારે એના કારણને જાણી, એની પાછળની દૃષ્ટિને સમજીને, શ્રદ્ધા અને ભાવ સાથે, પ્રોપર વિધિ, યોગ્ય અને શુદ્ધ ઉચ્ચારણથી સાધના કરે છે ત્યારે જે દિવ્ય શક્તિના પરમાણુઓ પ્રગટ થાય છે તે સ્વયંને, આસપાસવાળાને અને સાંભળનારા સર્વને એની પ્રભાવકતાની અસર અનુભવાય છે.
શ્રી ઉવસગ્ગહરં સ્તોત્રમાં ચૈતનતત્ત્વના પ્રાગટ્યની વાત આવે છે. પરમાત્માએ કહ્યું છે, જ્યાં આત્મચેતના જાગૃત થાય, ત્યાં ચમત્કાર તો બાયપ્રોડક્ટ રૂપે થવાના જ
છે.
શ્રી ઉવસગ્ગહરં સ્તોત્રના રચનાકાર આચાર્ય શ્રી ભદ્રબાહુસ્વામીએ સાધના કરી જે દિવ્યશક્તિને આહ્વાન આપ્યું હતું એ દિવ્યશક્તિને સૂક્ષ્મ સ્વરૂપે આ સ્તોત્રમાં સમાવી દીધી છે. માટે જ, એક વ્યક્તિ જ્યારે ઉત્કૃષ્ટ ભાવ અને દૃઢ શ્રદ્ધા સાથે આ સ્તોત્રની જપ-સાધના કે સ્તુતિ કરે છે ત્યારે તેના ભાવો અને વિચારો શુદ્ધ થવા લાગે છે, જેના પરિણામે તે વ્યક્તિના અશુભકર્મો શુભ કર્મમાં, અશાતાના કર્મો શાતામાં અને નીચ ગોત્ર કર્મ ઉચ્ચ ગોત્ર કર્મમાં કન્વર્ટ થવા લાગે છે, જેને જૈનદર્શનમાં કર્મોનું સંક્રમણ કહે છે.
એક પળ પહેલાં ચંદનબાળાને અશુભ કર્મ, નીચ ગોત્રકર્મ અને અશાતા વેદનીય કર્મના કારણે હાથ-પગમાં બેડી હતી. અંગ ઉપર દાસી જેવા વસ્ત્રો હતાં, માથે મુંડન હતું, એ જ ચંદનબાળાને પ્રભુ મહાવીરનો યોગ થાય, પ્રભુનું સાન્નિધ્ય પ્રાપ્ત જૈન મંત્ર, સ્તોત્ર અને યંત્ર