Page Text
________________
સ્તુતિકાર અંતિમ શ્લોકમાં સ્તુતિના પરિણામને પ્રગટ કરીને ભવીજીવોને આત્મસ્તુતિની પ્રેરણા આપી રહ્યા છે. જે વ્યક્તિ માનતુંગ અર્થાત્ સન્માનના શિખરે બિરાજમાન દેવાધિદેવની સ્તુતિને નિમિત્ત બનાવી સ્વયંના આત્મદેવાધિદેવની સ્તુતિ કરે છે, અનંત આત્મગુણરત્નાકરમાંથી એક એક ગુણરત્ન રૂપ મણકાથી બનેલી પરમ પારિણામિક ભાવની માળાને ધારણ કરે છે, તે શાશ્વત સિદ્ધ પર્યાયનું ઉદ્ઘાટન કરીને અનંત આનંદરૂપ લક્ષ્મીને વરે છે.
આ છે શક્તિસ્તોત્ર રૂપ ભક્તામર સ્તોત્રનો અચિંત્ય મહિમા. ભક્તામર સ્તોત્રની આધિદૈવિક અને આધિભૌતિક શક્તિ :
તીર્થંકર પરમાત્માની ભક્તિ સાધક માટે આધ્યાત્મિક શક્તિસ્તોત્ર છે, તે જ રીતે તેનાથી ત્રિવિધ દોષ કે ત્રિવિધ તાપથી તપ્ત સંસારી જીવો ભક્તિના ફળસ્વરૂપે ભૌતિક દુઃખનાશની ઇચ્છા કે ભૌતિક લાભની આકાંક્ષા રાખે, તે લક્ષ્ય સાથે તેઓ ભક્તિ કરે ત્યારે તેને તે ફળ પણ પ્રાપ્ત થાય છે.
ભક્તિ કરતાં ભક્તના આત્મભાવોની જેટલી શુદ્ધિ થાય તેટલી કર્મોની નિર્જરા થાય છે. તેની સાથે જ અનંત પુણ્યકર્મનો બંધ થાય છે. તે પુણ્યકર્મના ઉદયે તેને ભૌતિક લાભ થાય છે. તે ઉપરાંત દેવાધિદેવ તીર્થંકર પરમાત્માની સેવામાં રહેનારા કરોડો ભક્ત દેવો અને દેવીઓ તથા શાસનરક્ષક ગોમુખયક્ષ દેવ અને ચક્રેશ્વરી દેવી પ્રત્યક્ષ કે પરોક્ષપણે ભક્તોની ઇચ્છાપૂર્તિમાં સહાયક બની શકે છે અને ભક્તના પુણ્ય પ્રમાણે તેને અચિંત્ય ફળ પ્રાપ્ત થાય છે.
ભક્તામર સ્તોત્રની રચના થઈ ત્યારથી લઈને આજ સુધી શ્વેતાંબર અને દિગંબર બંને પરંપરામાં આ સ્તોત્ર અત્યંત શ્રદ્ધાનું સ્થાન બની ગયું છે. લાખો લોકો શ્રદ્ધા અને ભક્તિપૂર્વક તેનો નિત્ય પાઠ કરે છે. આ સ્તોત્ર નિર્વિવાદપણે સર્વમાન્ય છે. તેથી આ સ્તોત્રની રચના પછી સેંકડો આચાર્ય ભગવંતોએ ભક્તામર સ્તોત્ર ઉપર વૃત્તિની રચના કરી છે. પ્રાયઃ અનેક ભાષામાં તેનો અનુવાદ તથા વિસ્તૃત વિવેચન થયું છે.
વૃત્તિ અને ટીકા સાહિત્યમાં ભક્તામર સ્તોત્રની દરેક ગાથાના યંત્રો તથા તે તે ગાથાના ઋદ્ધિમંત્રો, બીજમંત્રો અને તે મંત્ર સાધનાના ફળનું વિસ્તૃત વર્ણન પ્રાપ્ત થાય છે. સાધક સ્તોત્રના પાઠ સાથે પોતાની ઇચ્છાનુસાર જે પરિસ્થિતિનું નિવારણ કરવું હોય, તે પ્રમાણે યંત્રની સન્મુખ બીજમંત્રોની જપસાધના કરે છે, ત્યારે તે બીજમંત્રોના અધિષ્ઠાયક દેવ-દેવીને આહ્વાન આપીને આકર્ષિત કરે છે. તે દેવ-દેવીઓ પોતાના અવધિજ્ઞાનથી ભક્તોના દુઃખને કે ઇચ્છાને જાણે છે અને વૈક્રિયલબ્ધિ દ્વારા તેને પૂર્ણ કરવાનો યથાશક્ય પ્રયત્ન કરે છે. સાધકના તથા પ્રકારના શુભકર્મોનો ઉદય થવાનો હોય, તો દેવ-દેવી તેમાં નિમિત્ત બની શકે છે. ભક્તામર સ્તોત્રના ૪૮ શ્લોકના બીજમંત્રો તથા તેનું ફળ :ભક્તામર પ્રણત મૌલિ મણિ પ્રભાણા .....શ્લોક - ૧ બીજમંત્રઃ ૐ હૂ હૂ હું Ø લૈં હૂં ક્રીં ૐ હું નમઃ ફળઃ ઋદ્ધિ સિદ્ધિ અને સંપદાની પ્રાપ્તિ થાય. યઃ સંસ્તુતઃ સકલ ..... શ્લોક - ૨ બીજમંત્ર ૐ હું Ø Í બ્લ નમઃ ફળ: નજરબંધીના દોષો દૂર થાય. બુદ્ધયા વિનાપિ.....શ્લોક - ૩ બીજમંત્ર ૐ હ્રીં શ્રીં ક્લે સિદ્ધભ્યો બુદ્ધભ્યો સર્વ સિદ્ધિદાયકેભ્યો નમઃ સ્વાહા ફળ: દૃષ્ટિદોષ દૂર થાય. વકતું ગુણાન. શ્લોક - ૪ બીજમંત્ર : ૐ હ્રીં શ્રીં ક્લીં જલદેવતાભ્યો નમઃ સ્વાહા ફળઃ પાણીનો ઉપદ્રવ નષ્ટ થાય.
જ્ઞાનધારા - ૨૦
જૈન મંત્ર, સ્તોત્ર અને યંત્ર
| SR No. | 035316 |
| Book Title | Jain Mantra Stotra Ane Yantra |
| Original Sutra Author | N/A |
| Author | Gunant Barvalia |
| Publisher | Arham Spiritual Centre |
| Publication Year | 2020 |
| Total Pages | 152 |
| Language | Gujarati |
| Classification | Book_Gujarati |
| File Size | 2 MB |