Jain Mantra Stotra Ane Yantra

SR No.: 035316
Original Sutra Author: N/A
Author: Gunant Barvalia
Publisher: Arham Spiritual Centre
Publication Year: 2020
Total Pages: 152
Language: Gujarati
Classification: Book_Gujarati
File Size: 2 MB

Page 119

સદ્ભાગી માનું છું કે પરમ ગુરુદેવશ્રીના માર્મિક શ્રી વચનોનું શ્રવણ અને આચરણ કરવાનું સૌભાગ્ય પ્રાપ્ત થયું.
પરમ ગુરુદેવશ્રીએ ફરમાવ્યું હતું કે જીવનમાં મંત્રને મિત્ર બનાવો અને સૂત્રને સખા બનાવો ! મંત્રને જો મિત્ર બનાવીએ તો જીવનમાં દરેક પળમાં તે આપણી સાથે રહે છે. બીજો કોઇ પણ મિત્ર, જો આપણે બોલાવીએ તો જ આવે પણ મંત્ર એવો મિત્ર છે કે જે પ્રગટ કરતા જ આપણા માટે ઊભો રહી જાય!
એવું કહેવાય છે કે, અર્જુનમાળી માર, માર કરતો સુદર્શન શ્રાવકને મારવા આવી રહ્યો હતો કેમકે તે રોજના સાત જીવની હત્યા કરતો હતો. જયારે અર્જુન માળી સુદર્શન શ્રાવક પાસે પહોંચે છે ત્યારે તેની આસપાસ બચાવનારું કોઇ જ નથી. તેવા સમયે સુદર્શન શ્રાવક પાસે ‘નમો જિણાë જિય ભયાણું” આ મંત્ર હતો. જેવા સુદર્શન શ્રાવક નમોન્યુર્ણની મુદ્રામાં બેસી આ મંત્રનું ભાવપૂર્વક રટણ કરવા લાગ્યા, એવું જ એમની આસપાસ એક સુરક્ષા કવચ બનવા લાગ્યું, જેને કારણે અર્જુન માળીનું વજનદાર શસ્ત્ર સુદર્શન શ્રાવકના સુરક્ષા ચક્રને ભેદી ન શકયું અને નકામું થઇને નીચે પડી ગયું.
મંત્ર અને સૂત્રને મિત્ર બનાવીએ તો તે સર્વત્ર કામમાં લાગે છે અને એટલે જ આપણા જીવનમાં કેટલાક મંત્રો ઘુંટી લેવા જોઇએ. જયારે પણ કોઇ ભયની પરિસ્થિતિ હોય છે, કોઇ આફત આવવાની હોય એમ લાગતું હોય ત્યારે નમોઘુર્ણ ની મુદ્રામાં નમો જિયાણં જિય ભયાણું’ નું સ્મરણ અને રટણ કરવાથી આપણી અંદર માંથી positive electromagnetic waves નીકળે છે, જે આસપાસ ફેલાય છે. ‘નમો જિયાણં જિય ભયાણું’ મંત્ર આસપાસમાં પ્રોટેક્શન બનાવે અને તે પ્રોબ્લેમમાંથી બહાર નીકળવાની ક્ષમતા પ્રગટાવે છે. science એ પણ શોધ કરી દીધી છે કે sound waves માં કેટલી તાકાત હોઈ શકે છે !!
‘નમો જિયાણ જિય ભયાણં' એટલે સાત પ્રકારના ભયને જીતનારા એવા જિનેશ્વર દેવોને નમસ્કાર હો. જયારે અભય એવા જિનેશ્વર ભગવંતોનું સ્મરણ વારંવાર કરીએ છીયે ત્યારે તેમના જેવા બનાવના ભાવ અને પાત્રતા પ્રગટવા લાગે છે. ઘણા
વ્યકિતઓને વંદા, ગરોળી, અંધારું, એકલપણું એવી અનેક વસ્તુઓ અને સ્થિતિઓનો ભય હોય છે. જે વ્યકિત “નમો જિયાણં જિયભયાણ” મંત્રની આરાધના કરે છે તેના ભય જીતાય જાય છે.
પરમાત્માએ આપણા સહુ ઉપર અનંત ઉપકાર કરી ‘મિચ્છામિ દુક્કડમ' રૂપે બે નાના શબ્દોમાં હજી એક જબરદસ્ત મંત્રની શ્રેષ્ઠ ભેટ આપી છે !
આપણે સંસારમાં છીએ એટલે પાપ કરવું પડે, તે આપણી પરિસ્થિતિ છે પણ પાપનો પસ્તાવો કરવો કે ન કરવો તે આપણી મનઃસ્થિતિ હોય છે. સંસારમાં છીએ એટલે કદાચ સ્નાન કરવું પડે છે. કદાચ સ્નાન કરતી વખતે પાણીમાં રહેલા અસંખ્ય જીવોની હિંસા કરવી પડે તે આપણી પરિસ્થિતિ છે. પરંતુ આ પાપકારી પ્રવૃત્તિ વખતે આપણી મનઃસ્થિતિ કેવી હોવી જોઇએ? સ્નાન કરતા કરતા એવી ભાવના ભાવવી કે, “હે પરમાત્મન ! કયારે આપના જેવી અશરીરી અવસ્થાને પામીશ ! એવો દિવસ કયારે આવશે કે મારો આનંદ કોઇના મૃત્યુ ઉપર આધારિત ન હોય. મને પ્રસન્નતા મળે પણ મારા થકી કોઇને પીડા ના મળે. હે પાણીના જીવો! હે અપકાય ! આજે હું આપને વેદના આપું છે એટલે જ હું આપની ક્ષમા માંગુ છું અને ભાવપૂર્વક તસ્સ મિચ્છામિ દુક્કડમ કહું છું.” ભગવાન કહે છે, જે પાપ પસ્તાવા વગરનું હોય છે તે ભોગવતી વખતે અનેક ગણી પીડા આપે છે અને પાપ પછી પસ્તાવાનો ભાવ થાય છે તેનું ફળ અતિ અલ્પ થઇ જાય છે !
મિચ્છામિ દુક્કડમ્' ને ફકત સંવત્સરી મહાપર્વના દિવસ માટે જ સીમિત ન રાખીને જો જીવનમંત્ર બનાવીએ તો અંનત પાપકર્મોથી બચી શકાય છે. સવારે ઉઠીએ
ત્યારે ઉપકારભાવપૂર્વક નમસ્કાર મહામંત્રના સ્મરણ સાથે “મિચ્છામિ દુક્કડમ” પણ બોલવું અને રાત્રે થયેલા પાપોની ત્યારે જ ક્ષમા માંગી લેવી. તેમજ રાત્રે સૂતાં પહેલા દરેક નાના મોટા સદસ્યોને “મિચ્છામિ દુક્કડમ' કહીને સૂવું-એટલે કે “I am sorry' આમ કહેવાથી આખા દિવસ દરમ્યાન ઘરના કોઇ પણ સદસ્યો સાથે જાણતા - અજાણતા રાગદ્વેષ, મનભેદ કે મતભેદ થયા હોય તેની માફી તેજ દિવસે માંગી લેવાય જૈન મંત્ર, સ્તોત્ર અને યંત્ર
૨૩૫
જ્ઞાનધારા - ૨૦