Page Text
________________
જેમના બંને ચરણકમલો શોભાયમાન થયેલા છે તેવા પાર્થપ્રભુને નમસ્કાર કરી મહાભયોને નાશ કરનાર એવા આ સ્તોત્રને દર્શાવું છું. (શ્લોક - ૧) * રોગ ભયહર માહાભ્ય:
ગમે તેવો રોગિષ્ટ હોય કે જેના હાથ, પગ, નખ અને મુખ સડી ગયા હોય, જેની નાસિકા બેસી ગઈ હોય, જેનું સૌદર્ય નાશ પામ્યું હોય, સર્વ અંગ ઉપર કોઢ થયેલો હોય, જેનું શરીર અગ્નિથી પીડિત હોય તેવા મનુષ્યો પણ પ્રભુના સ્મરણથી નવપલ્લવિત થઈ આરોગ્યલક્ષ્મીને પ્રાપ્ત કરે છે. (શ્લોક - ૨, ૩) * જળ ભયહર માહાભ્ય:
પ્રચંડ વાયુના કારણે સમુદ્ર હિલોળે ચડ્યો હોય ભયથી ગભરાઈને ખલાસીઓ પણ જેને છોડીને જતા રહ્યા હોય તેવા મનુષ્યો પણ પ્રભુના સ્મરણથી ઇચ્છિત એવા સમુદ્રકિનારાને પામે છે. (શ્લોક - ૪, ૫) * અનિ ભયહર માહારા :
પ્રચંડ વાયુથી વનમાં દાવાનળ સળગ્યો હોય તેમાં દાઝતા અને આકુળવ્યાકુળ થયેલા મગોના ભયંકર આક્રંદથી ભયાનક દેખાતા વનની આગથી પણ પ્રભુના નામથી રક્ષણ થાય છે. (શ્લોક - ૬, ૭) * સર્પ ભયહર માહાભ્ય :
સુશોભિત ફણાયુક્ત ભયંકર સર્પ હોય કે જેના નેત્રો ચંચળ અને રાતા હોય, જેની જીભ ચપળ હોય, મેઘ જેવો શ્યામ ભયંકર આકૃતિવાળો હોય તે પણ જો પ્રભુના નામનું સ્મરણ કરે તો સાપ પણ કીડા જેવો લાગે છે. (શ્લોક - ૮, ૯) * ચોરરૂપ શત્રુ ભયહર માહાભ્ય:
પલ્લિવાસી ભીલો, ચોર, વનચર જીવો, વાઘની ગર્જનાથી ભય વડે વ્યાકુળ થઈને દુઃખી બનેલા મુસાફરોના સમૂહોને ભીલોએ લૂંટ્યા છે તેવા અટવીઓમાં પણ હે નાથ!તમને નમસ્કાર કરનારા મનુષ્યો લુંટાયા વિના ઇચ્છિત સ્થાને શીધ્રપણે પહોંચે છે. (શ્લોક - ૧૦, ૧૧).
* સિંહ ભયહર માહાભ્ય :
હે પ્રભુ! તમારા ચરણયુગલમાં જે મગ્ન છે તેને અગ્નિ જેવા લાલ નેત્રોવાળા, અત્યંત ફાડેલા મુખવાળા, પ્રચંડ કાયવાળા, નખના પ્રહારથી ગજેન્દ્રના મસ્તકોને પણ ફાડી નાખનાર એવા અતિક્રોધિત સિંહનો પણ ડર લાગતો નથી. (શ્લોક - ૧૨, ૧૩) * ગજેન્દ્ર ભયહર માહાભ્ય:
જે તમારા સ્મરણમાં લીન છે તેને ભયંકર ગજેન્દ્ર કે જેના દંતશૂળ ચંદ્ર જેવા ઉજ્જવળ છે, જે ઉત્સાહથી તેની મોટી સૂઢોને ઉછાળતો આગળ ધસમસે છે, મધ જેવા પીળા નેત્રોવાળું અને જળથી ભરેલા નવીન મેઘ જેવી ગર્જના કરતો હોય એવો અત્યંત નજીક આવેલા ગજેન્દ્રથી પણ ડર નથી. (શ્લોક - ૧૪, ૧૫) * રણ ભયહર માહાભ્ય:
જે સમરાંગણમાં તીક્ષ્ણ ખડગના પ્રહારથી મસ્તક રહિત થયેલા ધડ નૃત્ય કરતા હોય અને ભાલા વડે વીંધાયેલા હાથીઓના બચ્ચાઓ ચિત્કાર કરતા હોય તેવા રણસંગ્રામમાં પણ તમારા નામનું સ્મરણ કરનાર સુભટો શત્રુરાજાને જીતી યશ પ્રાપ્ત કરે છે. (શ્લોક - ૧૬, ૧૭)
આમ, શ્રી પાર્શ્વનાથ ભગવંતના નામમાત્રનું કીર્તન કરવાથી રોગ, જળ, અગ્નિ, સર્પ, ચોર, શત્રુ, સિંહ, હાથી અને સંગ્રામ એમ આઠ પ્રકારના મોટા ભયો સર્વથા નાશ પામે છે. અર્થાત્ ફરી ક્યારે પણ ઉત્પન્ન થતા નથી. (શ્લોક - ૧૮)
અંતમાં ઉપસંહાર કરતા કવિશ્રી કહે છે કે પાર્શ્વનાથ પ્રભુનું ઉદાર સ્તવન સાત મહાભયોનેહરણ કરનારું, ભવ્યજનોને આનંદ આપનારું અને કલ્યાણની પરંપરાના નિધાનરૂપ છે. રાજાનો ભય, યક્ષ, રાક્ષસ, દુષ્ટ સ્વપ્ન, અપશુકન, નક્ષત્ર, ગ્રહ, રાશિ વગેરેની પીડા થતી નથી. આ સ્તોત્ર જે પ્રાતઃકાળ અને સંધ્યાકાળ એમ બંને સંધ્યાએ ભણે છે કે સાવધાનપણે સાંભળે છે તેઓનું વિષમમાર્ગમાં, ઉપસર્ગમાં કે ભયંકર રાત્રિઓમાં પણ રક્ષણ થાય છે.(શ્લોક - ૧૯, ૨૦, ૨૧) જૈન મંત્ર, સ્તોત્ર અને ચંદ્ર
ર૧૬
જ્ઞાનધારા - ૨૦
| SR No. | 035316 |
| Book Title | Jain Mantra Stotra Ane Yantra |
| Original Sutra Author | N/A |
| Author | Gunant Barvalia |
| Publisher | Arham Spiritual Centre |
| Publication Year | 2020 |
| Total Pages | 152 |
| Language | Gujarati |
| Classification | Book_Gujarati |
| File Size | 2 MB |