Page Text
________________
नायाधम्मकाओ
[XVI.112
महुरंलाउयं जाव नेहावगाढं उवक्खडित्तए । एवं संपेहेइ २ तं सालइयं जाव गोवेइ २ अन्नं सालइयं मद्दुरेलाउयं उवक्खडेइ २ तेसिं माहणाणं व्हायाणं जाव सुहासणवरगयाणं तं विपुलं असणं ४ परिवेसेइ । तए णं ते माहणा जिमियभुत्तुत्तरागया समाणा आयंता चोक्खा परमसुइभूया सकम्मसंपउत्ता जाया यावि होत्था । तए णं ताओ माहणीओ व्हायाओ जाव विभूसियाओ तं विपुलं असणं ४ आहारति २ जेणेव सयाई २ गिहाई तेणेव उवागच्छंति २ सकम्मसंपउत्ताओ जायाओ ।
14
(112) तेणं कालेणं २ धम्मघोसा नामं थेरा जाव बहुपरिवारी जेणेव चंपा नयरी जेणेव सुभूमिभागे उज्जाणे तेणेव उवागच्छंति २ अहापडिरूवं जाव विहरति । परिसा निग्गया धम्मो कहिओ परिसा पडिगया । तए णं तेसिं धम्मघोसाणं थेराणं अंतेवासी धम्मरुई नामं अणगारे उराले जाव तेयलेस्से मासंमासेणं खममाणे विहरइ । तए णं से धम्मरुई अणगारे मासखमणपारणगंसि पढमाए पोरिसीए सज्झायं करेइ २ बीयाए पोरिसीए एवं जहा गोयमसामी तहेव उँग्गाहेइ २ तहेव धम्मघोसं थेरं आपुच्छइ जाव चंपाए नयरीए उच्चनीयमज्झिमकुलाई जाव अडमाणे जेणेव नागसिरीए माहणीए गिहे तेणेव अणुपविट्ठे । तए णं सा नागसिरी माहणी धम्मरुई एज्जमाणं पासइ २ तस्स सालइयस्स तित्तकडुयस्स बहुनेहावगाढस्स एंडणट्टयाए हट्ठतुट्ठा उट्ठाए उट्ठेइ २ जेणेव भत्तघरे तेणेव उवागच्छइ २ तं सालइयं तित्तकडुयं च बहुने हावगाढं धम्मरुइस्स अणगारस्स पडिंग्गहसि सव्वमेव निस्सिरइ । तए णं से धम्मरुई अणगारे अहापज्जत्तमित्तिकट्टु नागसिरीए माहणीए गिहाओ पडिनिक्खमइ २ चंपाए नयरीए मज्झमज्झेणं पडिनिक्खमइ २ जेणेव सुभूमिभागे उज्जाणे तेणेव उवागच्छइ २ जेणेव धम्मघोसा थेरा तेणेव उवागच्छइ २ धम्मघोसस्स अदूरसामंते अन्नपाणं पडिलेहेइ २ अन्नपाण करयलंसि पडिंसेइ । तए णं धम्मघोसा थेरा तस्स सालइयस्स नेहा - वगाढस्स गंधेणं अभिभूया समाणा तैओ सालइयाओ नेहावगाढाओ एगं बिंदुयं गहाय करय ंसि आसादिति वित्तं खारं कयं अखज्जं
Shree Sudharmaswami Gyanbhandar-Umara, Surat
www.umaragyanbhandar.com
| SR No. | 034981 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | |
| Total Pages | 174 |
| Language | Sanskrit |
| Classification | Book_Devnagari |
| File Size | 15 MB |