Page Text
________________
नायाधम्मकहाओ
[IX.90. निव्वुइकरं सयोउयसुर भकुसुमवुहिँ पमुंचमाणी ॥२॥ नाणामणिकणगरयणघंटियखिखिणिनेउरमहलभूसणरवेणं । दिसाओ विदिसाओ पूरयंती वयणमिणं बेइ सा कलुंसा ॥३॥ होल वसुल गोल नाह दइय पिय रमण कंत सामिय निग्घिण नित्थक्क । थिण निकिवं अकयन्नुय सिढिलभाव निल्लज्ज लुक्ख अकलुण जिणरक्खिय मज्झं हिययरक्खग॥४॥ न हु जुज्जसि एक्किय अणाहं अबंधवं तुज्झ चलणओवायकारियं उज्झिउमधन्नं । गुणसंकर हं तुमे विहूणा न समत्था जीविउं खणंपि ॥५॥ इमस्स उ अणेगझसमगरविविधसावयसयाकुलघरस्म । रयणागरस्स मझे अप्पाणं वहेमि तुज्झ पुरओ एहि नियत्ताहि जइ सि कुविओ खमाहि एकावराहं मे ॥६॥ तुज्झ य विगयघणविमलससिमंडलागारसस्सिरीयं सारयनवकमल कुमुदकुवलयविमलदलनिकरसरिसैनिभनयणं । वयणं पिवासागयाए सद्धी मे पेच्छिउँ जे अवलोएहि ता इओ ममं नाह जो ते पेच्छामि वयणकमलं ॥७॥ एवं सप्पणयसरलमहुरीई पुणो २ कलुणाई वयणाई जंपमाणी सा पावा मग्गओ समण्णेइ पावहियया ॥८॥ तए णं से जिणरक्खिए चलमणे तेणेव भूसणरवेणं कण्णसुहमणोहरेणं तेहि य सप्पणयसरलमहुरभणिएहिं संजायविउणअणुंराए रयणदीवस्स देवयाए तीसे सुंदरथणजहणवयणकरचरणनयणलावण्णरूवजोवण्णसिरिं च दिव्वं सरभस उवगूहियाइं बिब्बोयविलसियोणि य विहसियसकडक्खदिट्ठिनिस्ससियमलियउवललियथियगमणपणयखिज्जियपसाइयाणि य सरमाणे रागमोहियमई अवसे कम्मवसगए अवयक्खइ मग्गओ सविलियं । तए णं जिणरक्खियं समुप्पन्नकलुणभावं मच्चुगलस्थल्लंणोल्लियमई अवयक्खंतं तहेव जक्खे उ सेलए जाणिऊण सणियं २ उव्विहइ नियगपिट्ठाहिं विगयसद्धे । तए णं सा रयणदीव देवया निस्संसा कलुणं जिणरक्खियं सकलुसा सेलग पट्टाहिं ओवयं-दास ! मओसि त्ति जंपमाणी अपत्तं सागराललं गण्हिय बाहाहिं आरसंतं उड्डू उव्विहइ अंबरतले ओवयमाणं च मंडलग्गेण पडिच्छित्ता नीलुप्पलगवलअयसिपगासेणं असिवरेणं खंडाखांडं करेइ २ तत्थ विलवमाणं तस्स य
Shree Sudharmaswami Gyanbhandar-Umara, Surat
www.umaragyanbhandar.com
| SR No. | 034981 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | |
| Total Pages | 174 |
| Language | Sanskrit |
| Classification | Book_Devnagari |
| File Size | 15 MB |