________________
पाड
कणयामरविरइयउ
[8 19.4जं संगरि मइं तुम्हहं खलीय जं चरणहिं मउडई दरमलीय । तं खमहु सयलु महो बंधवासु पडिगाहहु देसु सपिंडवासु ।। 5 तं णिसुणिवि तेहिं पडिवयणु उत्तु तुह सेव करेसहिं अम्ह पुत्त। इय जंपिवि ते चंपाहिवासु पुणु सरिय खणखें अडविवासु । तणु तिणु व गणेविणु ललियगत्त तउ करिवि तेई सग्गग्गि पत्त । घत्ता-करकंड तहं तउणीसरिउ गउ संमुहं तेरापट्टणहो।
जहिं सुंदरि मयणावलि हरिय संपत्तउ तं पएसु वणहो ॥ १९॥ 10
20
5
Karakanda regains Madanavali and returns to Campa. जावच्छइ सो तहिं आयरेण मयणावलि अप्पिय खयरेण । ता तेण तुरिउ विजाहिवेण तहो कहिउ भवंतरु णियहिएण । अहि होतउ हउं अण्णहिं भवम्मि हिंडंतु पराइउ तुह घरम्मि । ता दिट्ठउ मई पंजरठिओ वि पारावउ पाराविएं जुओ वि । सो पाएं गहिउ मई चडफडंतु ता पत्तउ तहिं तुहं परिभमंतु ।। छंडाविउ सो पई तुरियएण
णवकारु पइण्णउ करुणपण । सो खयरु जायउ तहो फलेण हउँ णासिवि गउ तुज्झु वि छलेण । एकहिं दिणि चप्पिउ हयखुरेण मुणि कण्णजाउ दिण्णउ वरेण । हउँ खेयर जायउ फलई तेण तुहुं एत्थु दिहु संपत्तएण । चिररोसे हरिय मई घरिणि तुज्झु लइ अक्खिउ मई तुह एउ गुज्झु। हउं एवहिं किंकरु तुह भरेण पुणु णमिय चरण सेण्णयसिरेण । अवराहु कियउ जो मई वि देव सो खमहि ण छंडमि तुज्झ सेव । घत्ता-संमाणिवि दाणई सो खयरु गउ चंपहिं साहिवि महि णिवइ ।
सो रज्जु करंतउ बहुयदिण तहिं अच्छइ कणयामरणिलई ॥ २० ॥
10
इयकरकंडमहारायचरिए मुणिकणयामरविरइए भव्वयणकण्णावयंसे पंचकल्लाणविहाणकप्पतरुफलसंपत्ते करकंडपुरइसाहणी चंपापुरिपवेसो णाम अहमो परिच्छेउ समत्तो ।
॥ संधि ॥ ८॥
20. १ DN सविणय.
-८०
--
Shree Sudharmaswami Gyanbhandar-Umara, Surat
www.umaragyanbhandar.com
