________________
8. 19. 3.1
करकंडचरिउ धणु पेवरु लएवि तुरंतियाई अहिणवमुणालवरगत्तियाई । तं सयलु विहंजिवि दुत्थियाहं सुहभायणु दिण्णउ भुक्खियाहं । जावच्छइ सा तहिं रइ करंति जिणणाहहो चलणइं मणि सरंति। 5 रयणावलिविहिभारे मंति मुत्तावलिमोत्तियदाम दिति । कुसुमंजलिकुसुमहिं विप्फुरंति पल्लोवमविहिपल्लवें चरंति। चउसत्थियविहिसत्येण जंति वसुहारविहाणहो मणु थवंति । ता एक्कहिं दिणि कणयप्पहाएं तहिं आणिउ सो करकंड ताएं। घत्ता- रश्वेयई दिट्ठउ णियरमणु तहिं हरिसई वड्डिउ अंसुजलु। 10
ता विजु चमक्किय कसणतणु सिहिकंतएं णं जलहरु सजलु ॥१७॥
18
Karakanda covquers the Southern kings. रइवेयएं पुणु कणयप्पहाहे गुरु आयरु कीयउ सयलु ताह । परिओसु पवडिउ परियणाहं सामंतमंतिविभियमणाहं । तहिं अच्छिवि कित्तिय दिण सराउ संचल्लिउ ता करकंडु राउ । ता दिविडदेसु महियलु भमंतु संपत्तउ तहिं मच्छरु वहंतु। तहिं चोडिचेरपंडियणिवाहं । केणावि खणद्ध कहिउ ताई। 5 अरि आयउ तुम्हहं उवरि देव तिम किजइ दूरहु जाइ जेव । तं सुणिवि खणद्धे ते मिलीय करकंडहो जाएवि पुणु भिडीय । करि करिहिं भिडिय रह रहवराह हय तुरयहं ता गर णरवराहं । रोसारुण दारुण अइभिडंति धयदंडछत्तसीसई पडंति। अंतउ ललंति पर पक्खलंति जसलुद्ध महाभड पुणु मिलंति। 10 कउ संगरु तेहिं महंतु केव गयणंगणि सुरवर डरिय जेव । घत्ता-करकंडएं धरिया ते वि रणे सिरमउड मलिय चरणेहिं तहु ।
मउडग्गहिं देक्खिवि जिणपडिम करकंडहो जायउ बहलु दुहु ॥१८॥
19
He reinstalls them and returns to Terapur. हा हा मई मूढई किं किया जिणबिंबु वि चरणे आहयउ। इह पावफलं दुग्गइणिवासु णउ जाणहुँ होसह कहिं मि वासु ।
मणि दुम्मिय मउलियलोयणेण चोडाहिव मुक्का ते वि तेण । २D पउरु.
18. १ DN सणद्धे.
Shree Sudharmaswami Gyanbhandar-Umara, Surat
www.umaragyanbhandar.com
