________________
करुणरसकदंबर्क हा अजउत्त ! जुत्ता, असमिक्खियकारिया ण ते एसा । दहिही हिययं अहियं, अणुतावो धीर ! तुह 'विउणो ॥२३०॥ जाणंतीए म कओ णाह !, मए तुज्झ विप्पियलवो वि । अण्णाणकए पिययम !, न हु जुत्तो एरिसो दंडो॥२३१॥ कैनेजवेण केण वि, सिटुं तुह किंपि तं न याणामि । सदहसु मा वि सुमिणतरेऽवि सीलस्स मालिण्णं ॥२३२॥ सो हो सो पणओ, सा पडिवत्ती तयं सुहालवणं । एकपए च्चिय निग्षिण !, कह पम्हुटुं तुहेयाणिं ? ॥२३३॥ खणरत्तखणविरत्ता, नारी पडिवन्नपालिंणो पुरिसा । एसा वि जणपसिद्धी, विवरीया अज्ज संजाया ॥२३४॥ हा ताय ! माय ! भाउय !, आसि अहं पाणवल्लहा तुम्ह । ता किं ण परित्तायह, मरमाणिं दुक्खमरणेण ? ॥२३५॥ पीडावसाउ तीए, तक्खणमाउलियमुयरमइलज । चित्तंमि वहंती जाणिऊण पसवस्स सा समयं ॥ २३६ ॥ पच्चासन्नम्मि गया, वैणगुम्मे सूलवेयणा जाया । कहवि पसूया किच्छेण, वेयणाएऽवसाणम्मि ॥ २३७ ॥ चलणाणमंतराले, देवकुमारोवमं सुयं नियइ । गहिया हरिसेण तहा, तक्खणओ गुरुविसाएण ॥ २३८ ॥
१५जितन. २ अप्रिय. 3 अन ममेरनार. ४ बननी बीमi. ૫ અતિશય ખેદ વડે.
Shree Sudharmaswami Gyanbhandar-Umara, Surat
www.umaragyanbhandar.com
