________________
करुणरसकदंबकं
धन्ना एसा जीए, ताव य तुह पुत्त ! पुलइयं वयगं । हा हा अहं अहन्ना, जाए जाओ वि न हु दिट्ठो ॥११॥
—सुरसुंदरीचरिए परि० १४
[२५] पियचवणे चंदप्पहाए विलवणं । दहण चुयं देवं, देवी चंदप्पहा सुदुक्खत्ता । मुच्छाविरमे करुणं, विलविउमेवं समारद्धा ॥ ११ ॥ हा नाह ! पाणवल्लह !, मोत्तण ममं गओ कहिं देव ! । तुमए रहिया सामिय !, कं सरणमहं पवज्जामि ? ॥ १२ ॥ खण-लव-मेतंपि तुमं, विणा मए नेव नाह ! अच्छंतो । मोत्तण ममं इण्हिं, कत्थ गओ लोयणाणंद !॥ १३ ॥ तं चेव मज्झ सरणं, तं नाहो जीवियं तुम देव ! । तुमए मुक्का सामिय!, भण इण्हिं कत्थ वच्चामि ? ॥ १४ ॥ हा कत्थ गओ वल्लह !, एत्थ अणाहं ममं पमोत्तणं? । को मह सरणं इण्हि, सामिय ! तुमए पमुक्काए ? ॥ १५ ॥ सो चेव देव-लोगो, देव-सहम्सोवसोहिओ रम्मो। तुह विरहियाइ इण्हि, भासइ नरओवमो मज्झ ॥ १६ ॥ तं चिय इमं विमाणं, रम्मं मणि-कणग-रयण-विच्छुरियं । तुमए मुकं भासइ, घडियालय-सच्छहं नाह ! ॥१७॥
૧ લાગે છે. ૨ ઘટિકાલય જેવું.
Shree Sudharmaswami Gyanbhandar-Umara, Surat
www.umaragyanbhandar.com
