________________
ગામમાં જ સંતાયા છે.”
તરત આજુબાજુ તપાસ શરૂ થઈ.
જામ રાવળે ચોકીદાર બિયાં કકલને બોલાવ્યો અને કહ્યું, ‘ભિયાં, બંને કુંવરો અહીંયાં છે. માટે એને હાજર કર. અને મોં માગ્યું ઇનામ લઈ લે.”
‘મહારાજ, અહીં રાજકુંવરો આવ્યા જ નથી. મને કશી જ ખબર નથી.' મિયાંએ કહ્યું.
જામ રાવળે એને ડરાવતાં કહ્યું, ‘કેમ, જૂઠું બોલે છે ? જો રાજકુમારોને બતાવીશ તો તારું દળદર ફીટી જાય એટલું ધન આપીશ. નહીં તો મને ઓળખે છે ને ?”
ભિયાં જરા પણ ડર્યો નહીં કે એકનો બે થયો નહીં. એણે કહ્યું, મહારાજ, હું સાચું જ કહું છું.'
એમ, ત્યારે હવે તું નહીં માને ?' એમ કહીને જામ રાવળે ભિયાં કકલના ઘરની તલાશી લેવા હુકમ કર્યો.
ભિયાં કકલની પત્ની અને એનાં છ છોકરાંઓને સિપાઈઓએ બહાર લાવીને જામ રાવળ સામે ખડા કર્યા.
જામ રાવળે કહ્યું, “બોલ, આમાં કયા બે છોકરાં હમીરજીનાં છે ?'
‘મહારાજ, આપ જ જુઓને ! આ કેવા ગરીબ છોકરા છે. કચ્છનો રાજધણી આમાં હોય તો કંઈ છૂપો રહે ખરો ?
“એમ ત્યારે હવે તું સીધી રીતે નહીં માને.” જામ રાવળે તલવાર પર હાથ મૂક્તાં કહ્યું અને તરત ભિયાંના છોકરાઓની કતલ કરવાનો સિપાઈઓને હુકમ આપ્યો.
મિયાં કકલ કંઈ બોલ્યો નહીં. જામ રાવળ સ્વાર્થમાં દીવાનો અને શું વેરમાં પાગલ થયો હતો. એણે ભિયાં કકલના છયે છોકરાઓનાં માથાં જ એક પછી એક વધેરી નાખ્યાં.
સામે મિયાં કકલની પત્ની ઊભી હતી. એણે એક પછી એક 62 પોતાના દીકરાઓને વધેરાતાં જોયાં, પણ જરાય ઢીલી ન પડી.
6 1 કેડે કટારી, ખભે ઢાલ
