________________
બીજે દિવસે ફતેમામદ દરબારમાં દાખલ થયો. પ્રવેશતાંની સાથે નિયમ મુજબ રાવ રાયધણને સલામ કરી. ફતેમામદ સલામ કરવા જેવો નીચો વળ્યો કે રાવે ખંજર કાઢી, નિશાન તાકીને માર્યું. ફતેમામદ રાવથી વધુ ચાલાક નીકળ્યો. પળપળ એ આ રાજમાં સાવધાનીથી કામ લેતો હતો. નીચે નમતાં નજર ઊંચી રાખી હતી. નિશાન તાકેલું રાવ રાયધણનું ખંજર આવ્યું કે તરત બાજુમાં ખસી ગયો, અને દરબારની બહાર નીકળીને ઝડપથી દોડવા લાગ્યો.
રાવ રાયધણે મોટેથી સૈનિકોને હુકમ કર્યો, “પકડો, જાવ, ફત્તને અબી ને અબી પકડી લાવો.”
સૈનિકો દોડ્યા, પણ રાવને સૈનિકો પર ભરોસો નહોતો. દગાબાજને વિશ્વાસ હોય પણ કેવી રીતે ? એ જાતે ફતેમામદની પાછળ પડ્યો. ફતેમામદ તો પંખીની પેઠે ક્યાંયનો ક્યાંય નીકળી ગયો. રાવ રાયધણ હાથ ઘસતો પાછો ફર્યો.
એક તરફ રાયધણની જુલમલીલા બેફામ વધવા લાગી. બીજી બાજુ ફ્લેમામદ પોતાના વીર સાથીઓ સાથે લશ્કર એકઠું કરવા લાગ્યો.
આખરે એક લડાયક સેના તૈયાર કરી. એની મદદથી જમાદાર ફતેમામદ રાવને કેદ કર્યો.
રાવના જુલમથી ત્રાસ પામેલી પ્રજાએ જમાદારને પૂરી મદદ કરી. ચારે તરફ જમાદાર ફતેમામદની તારીફ થવા લાગી. એની વીરતા વખણાવા લાગી. એની બુદ્ધિ માટે સૌને માન થયું. વીર ફતેમામદના રાસ રચાયા.
એક ગરીબ, નિરક્ષર ભરવાડ કચ્છની પ્રજાનો મુક્તિદાતા બન્યો.
આખા કચ્છમાં જમાદાર ફતેમામદનું નામ ગાજવા લાગ્યું. એણે 8. ભાયાતોનો અસંતોષ દૂર કર્યો. સણવાના ઠાકોર અને લખપતના હાકેમ છે પાસે કચ્છની સત્તા સ્વીકારાવી. માંડવીના હંસરાજ શેઠને કળથી તો 6 મુંદ્રાના મહમદને બળથી વશ કર્યો.
ફતેમામદની સેનાની હાક વાગવા લાગી. એની બેપાળી યૂહરચના અને લડાઈમાં એકાએક આગળ ધસી જવાની આવડત આગળ સહુના 1
હું છું સિપાહી બચ્ચો n =
