________________
ભોળા ભામાશા
સોનાપરી નામની નગરી. એમાં ચાર વાણિયા રહે. ચારે લંગોટિયા દોસ્તો. એમનાં નામ : શામળશા, પેથડશા, ઝાંઝણશા અને ભામાશા.
ચારેમાં સૌથી નાના વેપારી ભામાશા. સૌથી ભોળા પણ ભામાશા. પૂરો અલ્લાનો આદમી. કદી ખરું-ખોટું કરતાં આવડે નહીં.
આ ચારે વેપારીઓ એકસાથે વેપાર ખેડે. પાઈએ પાઈની ગણતરી કરે. એનો હિસાબ રાખે. કદી ઝઘડો કે ટંટો ન થાય તે માટે દરેક ચીજના ચાર ભાગ પાડે. વેપારની બધી બાબતમાં ભાગીદારી, માટે બધી વસ્તુ સરખી વહેંચી લેવી જોઈએ.
કહે કે હિસાબ પાઈનો, બક્ષિસ લાખની.
પોતાનાં વહાણોમાં માલ ભરી દેશ-દેશાવર મોકલે. પરદેશથી આવતાં વહાણોમાંથી માલની ખરીદી કરે. આ સાથે સીંગ અને કાલાં-કપાસનો ધંધો પણ કરે. સીંગ અને કપાસ રાખવા માટે મોટી-મોટી વખારો રાખે.
એક વખત વખારનો ચોકીદાર ફરિયાદ લઈને આવ્યો :
‘વખારમાં ઉંદરભાઈની સેના આવી છે. આવીને તોફાન જમાવી બેઠી છે. નાના ટચૂકડા દાંતથી કપાસની ગાંસડીઓની ગાંસડીઓ તોડી નાખે છે. પરિણામે અનેક ગાંસડીઓ તૂટી છે, ચારે તરફ રૂ, રૂ ને રૂ
ભોળા ભામાશા ળ
