________________
सुखाचा स्पर्श झाला नाही तर त्या आत्म्याची मुक्ती झाली. सनातन सुख हाच मोक्ष आहे. दुसऱ्या कोणत्याही मोक्षाचे आम्हाला काय करायचे आहे ? आम्हाला सुख हवे आहे. तुम्हाला सुख आवडते की नाही आवडत? ते मला सांगा.
प्रश्नकर्ता : त्यासाठीच तर धडपडत आहोत.
दादाश्री : हो, पण ते सुख तात्पुरते असेल तर चालत नाही. त्या सुखानंतर परत दुःखं येते, म्हणून ते आवडत नाही, सनातन सुख असेल तर पुन्हा कधी दु:खं येणार नाही, असे सुख पाहिजे. जर असे सुख मिळाले तर तोच मोक्ष आहे. मोक्ष म्हणजे काय? तर संसारी दुःखांचा अभाव तोच मोक्ष! नाहीतर दु:खांचा अभाव होत नाही, कोणालाही नाही!
एकतर, या बाहेरच्या विज्ञानाचा अभ्यास, ते तर जगातील वैज्ञानिक करतच असतात ना! आणि दुसरे, हे अंतर विज्ञान म्हटले जाते की, जे स्वतःला सनातन सुखाकडे घेऊन जाते. म्हणजे स्वत:च्या सनातन सुखाची प्राप्ती करवून देते, त्यास आत्मविज्ञान म्हटले जाते. आणि हे जे टेम्पररी एडजस्टमेन्टवाले सुख देते ते सर्व बाह्यविज्ञान म्हटले जाते. बाह्यविज्ञान तर शेवटी विनाशी आहे व विनाश करणारा आहे आणि हे अक्रम विज्ञान सनातन आहे आणि सनातन करणारा आहे!
3. I & My are separate (मी आणि माझे वेगळे आहेत.)
'ज्ञानी' च मौलिक स्पष्टीकरण देतात. 'I' (मी) हे भगवंत आहे आणि 'My' (माझे) ही माया आहे. 'My' is Relative to I'. 'I' is real आत्म्याच्या गुणांचा 'I' मध्ये आरोपण केले तरी 'तुमची' शक्ती खूपच वाढेल. मूळ आत्मा ज्ञानीशिवाय
