________________
निष्पक्षपाती त्रिमंदिर कशासाठी? जेव्हा मूळ पुरुष जसे की श्री. महावीर भगवान, श्री कृष्ण भगवान, श्री राम भगवान देहधारी अवस्थेत, सशरीर उपस्थित असतात तेव्हा ते लोकांना धर्मासंबंधी मतमतांतरातून बाहेर काढून आत्मधर्मात स्थिर करतात. परंतु काळक्रमानुसार मूळ पुरुषांच्या अनुपस्थितीमुळे हळू हळू लोकांमध्ये मतभेद उदभवतात व त्यामुळे धर्मात वाडे-संप्रदायांचे निर्माण होतात ज्याच्या परिणामस्वरूप सुख आणि शांतीचा क्रमशः लोप होतो.
__ अक्रम विज्ञानी परमपूज्य श्री दादा भगवानांनी (दादाश्रींनी) लोकांना आत्मधर्माची प्राप्ती तर करवून दिली पण त्याचबरोबर धर्मात व्याप्त 'माझे-तुझे' ची भांडणे मिटवण्यासाठी आणि लोकांना धार्मिक पक्षपातच्या दुराग्रहाच्या जोखिमेतून बाहेर काढण्यासाठी एक अगदी वेगळेच, क्रांतिकारी पाऊल उचलले. जे आहे संपूर्ण निष्पक्षपाती धर्म संकुलाचे निर्माण.
मोक्षाच्या ध्येयाची पूर्णाहुती हेतू श्री महावीर स्वामी भगवानांनी जगाला आत्मज्ञान प्राप्तीचा मार्ग दाखविला होता. श्री कृष्णभगवानांनी गीता उपदेशामध्ये अर्जुनास 'आत्मवत सर्वभूतेषु' ची दृष्टी प्रदान केली होती. जीव आणि शिव यांचा भेद मिटल्यावरच आपण स्वत:च शिव स्वरूप होऊन 'चिदानंद रूपः शिवोहम शिवोहम्' ही दशा प्राप्त करतो. अशाप्रकारे सर्व धर्मांच्या मूळ पुरुषांच्या हृदयातील गोष्ट ही आत्मज्ञान प्राप्तीचीच होती. जर ही गोष्ट समजली तर आत्मज्ञान प्राप्तीच्या पुरुषार्थाची सुरुवात होते. आणि प्रत्येकास आत्मदृष्टीने पाहिल्यामुळे अभेदता उत्पन्न होते. कोणत्याही धर्माचे खंडन-मंडन होऊ नये, कोणत्याही धर्माचा प्रमाण दुखावला जाऊ नये अशी भावना निरंतर राहत असते.
परम पूज्य दादाश्री म्हणत असत की जाणते-अजाणतेपणी ज्यांची ज्यांची विराधना झालेली असेल, त्या सर्वांची आराधना केल्यामुळे सर्व विराधना धुतल्या जातात. अशा निष्पक्षपाती त्रिमंदिर संकुलात प्रवेश करून
