________________
बक्षिस. परंतु भ्रांतिचा कायदा निमित्ताला पकडतो. परमेश्वराचा कायदा, रियल (खरा) कायदा तर ज्याची चूक असेल त्यालाच पकडणार. हा कायदा एक्झेक्ट आहे आणि त्यात कोणी बदल करू शकेल असे नाहीच. जगात असा कोणताही कायदा नाही की जो कोणाला दुःखं देऊ शकेल.
स्वतःची चूक असेल तरच समोरचा काही बोलणार ना ? म्हणून चूक मिटवुन टाका ना! या जगात कोणताही जीव कुठल्याही जीवाला त्रास देवू शकत नाही, असे स्वतंत्र जग आहे, कुणी त्रास देत असेल तर त्याचे कारण पूर्वी जी दखल केली होती त्याचा परिणाम आहे. म्हणून ती चूक संपवा मग त्याचा हिशोब राहणार नाही.
जग दुःखं भोगण्यासाठी नाही, सुख भोगण्यासाठी आहे. ज्याचा जेवढा हिशोब असेल तेवढे त्याला मिळते. कित्येक जण केवळ सुखच उपभोगत असतात. ते कशामुळे? कित्येक जण फक्त दुःखंच भोगत आहेत ते कशामुळे? त्यांनी तसा हिशोब सोबत आणलेला असतो म्हणून. स्वतःला जे दुःखं भोगावे लागत आहे त्यात स्वतःचाच दोष आहे! दुसऱ्या कोणाचाही दोष नाही. जो दुःखं देतो त्याची चूक नाही. दुःखं देतो त्याची चूक संसारात, आणि जो भोगतो त्याची चूक हे परमेश्वरी कायद्यात.
परिणाम, स्वतःच्या चुकीचा
जेव्हा जेव्हा आपल्याला काही भोगावे लागते ते आपल्याच चुकांचा परिणाम आहे. स्वतःच्या चुकीशिवाय आपल्याला भोग भोगावे लागत नाही. या जगात असा कोणी नाही जो आपल्याला किंचित्मात्र दुःखं देऊ शकेल आणि जर कोणी दुःखं देणारा आहे तर ते आपल्याच चुकीमुळे आहे. समोरच्याचा दोष नाही. तो तर निमित्त आहे. म्हणून जो भोगतो त्याची चूक.
पती-पत्नी आपसात खूप भांडत असतील आणि जेव्हा दोघे झोपायला गेल्यानंतर आपण गुपचुप पाहायला गेलो तर ती बाई बिनधास्त
५४
