________________
आपल्यावर होत आहे, अशा वेळेस आपण थोडे बाजूला व्हावे. हे सर्व संघर्ष आहेत. हे जसजसे तुम्हाला कळत जाईल तसतसे तुम्ही हे संघर्ष टाळत जाल. संघर्ष टाळल्याने मोक्ष मिळतो!
संघर्षामुळे हे जग निर्माण झाले आहे. भगवंताने त्याला वैरामुळे निर्माण झाले आहे असे म्हटले आहे. प्रत्येक माणूस, प्राणीमात्र वैर ठेवतो. वाद जर प्रमाणाबाहेर वाढला असेल तर वैर ठेवल्याशिवाय राहत नाही. मग कोणीही असो ते वैर ठेवतात. सगळ्यांच्यात आत्मा आहे. आत्मशक्ती सर्वांमध्ये सारखीच आहे. कारण पुद्गलच्या निर्बलतेमुळे सहन करावे लागत असते. पण सहन करण्यासोबत वैर ठेवल्याशिवाय राहत नाही. आणि पुढच्या जन्मी तो त्या वैराचे बदला घेतो!
एखादा माणूस खूप बोलतो तेव्हा त्याच्या वाटेल तशा बोलण्यानेही आपल्याला संघर्ष होता कामा नये. आपल्यामुळे समोरच्याला वाईट वाटेल असे बोलणे हा फार मोठा गुन्हा आहे
सहन करु नका, सोल्युशन शोधा संघर्ष टाळा याचा अर्थ सहन करणे नाही. सहन कराल तर ते कीती कराल? सहन करणे आणि 'स्प्रिंग' दाबणे. हे दोन्ही सारखेच आहे. 'स्प्रिंग' दाबून ठेवल्यावर ती किती दिवस राहिल? म्हणून सहन करायला तर शिकूच नका. उपाय करायला शिका. अज्ञानदशेत तर सहनच करावे लागते. पण मग एक दिवस स्प्रिंग उसळली तर सर्व उध्वस्त करून टाकते.
दुसऱ्यांच्या निमित्ताने जे काही सहन करावे लागले, तो आपलाच हिशोब असतो. परंतु ते आपल्याला कळत नाही की, हा कोणत्या खात्यातला आणि कुठला माल आहे, त्यामुळे आपल्याला असे वाटते की तो हा नवाच माल देत आहे. नवा माल कोणी देतच नाही. आपण दिलेलाच परत येतो. हे जे काही समोर आले, ते माझ्याच कर्माच्या उदयामुळे आले आहे. समोरचा तर निमित्तमात्र आहे.
४३
