________________
तक्रार? नाही, एडजस्ट घरात सुद्धा एडजस्ट होता आले पाहिजे. तुम्ही सत्संगातून उशीरा घरी गेलात तर घरातील माणसे काय म्हणतील? वेळ सुद्धा जपली पाहिजे ना? मग आपण लवकर घरी जावे हे काय चुकीचे आहे? आता त्यांना असा मार का खावा लागतो? कारण पूर्वी (मागच्या जन्मात) पुष्कळ तक्रारी केल्या होत्या त्याचा हा परिणाम आला आहे. त्या दिवशी सत्तेवर आला, तेव्हा सारखी तक्रार करत होता. आता सत्ता नाही म्हणून तक्रार केल्याशिवाय राहायचे. म्हणून आता 'प्लस-माइनस' करुन टाका. समोरच्या व्यक्तीने शिवी दिली तर ती जमा करून घ्यावी. आपण फिर्यादी होवूच नये.
पती-पत्नी या दोघांनी जर निश्चय केला की मला 'एडजस्ट' व्हायचे आहे, तर दोघांचे समाधान होईल. त्याने जास्त खेचले तर आपण 'एडजस्ट' होऊन जायचे, म्हणजे दोघांचे समाधान होईल. एडजस्ट एवरीव्हेर' नाही झालात तर वेडे व्हाल. समोरच्याला डिवचत राहता म्हणूनच वेडे झाले आहात.
ज्याला 'एडजस्ट' व्हायची कला जमली तो जगातून मोक्षाकडे वळला. एडजस्टमेन्ट घेतली यास म्हणतात 'ज्ञान'. जो एडजस्टमेन्ट घ्यायला शिकला त्याचा बेडा पार.
कित्येकांना रात्री उशीरा झोपायची सवय असते आणि काही जणांना लवकर झोपायची सवय असते. तर त्या दोघांचा मेळ कसा बसेल? आणि एका कुटुंबातच सर्व जण एकत्र राहत असतील तर काय होईल? घरात एक जण असेही बोलणारा निघेल की तुमच्यात अक्कल कमी आहे, तेव्हा आपण समजावे की, हा असाच बोलणार. म्हणजे आपणच 'एडजेस्ट' व्हावे. त्या ऐवजी आपण त्याला समोर काही उत्तर दिले तर आपणच थकून जाऊ. कारण तो तर आपल्यावर आपटत आहे (वाद, भांडण करत आहे) पण जर आपणही त्याच्यावर आपटलो तर आपल्याला सुद्धा डोळे नाहीत अशी खात्री झाली ना!
