________________
आता हा डेवलपमेन्टचा काळ आला. मतभेद व्हायला नको! म्हणून आता मी लोकांना हे सूत्र दिले आहे, 'एडजस्ट एवरीव्हेर !' कढी खारट झाली तर समजून जायचे की दादाजींनी एडजस्टमेन्ट करण्यास सांगितले आहे. मग ती कढी थोडीशी खाऊन घ्यावी. जेवताना लोणचे हवे असल्यास सांगावे की लोणचे घेऊन ये परंतु भांडायचे नाही, घरात भांडण व्हायला नको. आपण जर कधी अडचणीत असलो आणि आपण स्वत:च तिथे ‘एडजस्टमेन्ट' घेतली तर संसार शोभून दिसेल.
जमत नाही तरीही निभावून घ्या.
तुझ्याशी जो कोणी डिसएडजस्ट होत असेल, त्यांच्याशीही तू एडजस्ट होऊन जा. दैनंदिन जीवनात जर सासू-सूनेत किंवा जावाजावामध्ये डिसएडजस्टमेन्ट होत असेल पण ज्याला या संसार चक्रातून सूटायचे असेल, त्याने एडजस्ट व्हायलाच हवे. पती-पत्नी दौघांपैकी जर एक आरडाओरड करत असेल तर दुसऱ्याने त्याला सांभाळून घ्यायला हवे. तरच ते संबंध टिकतील आणि शांतता राहिल. या सापेक्ष सत्यात आग्रह, जिद्दीपणा थोडासुद्धा नको. माणूस म्हणजे कोण ? तर जो एवरीव्हेर एडजस्टेबल असेल.
सुधारायचे की एडजस्ट व्हायचे ?
प्रत्येक गोष्टीत आपण समोरच्याशी एडजस्ट झालो तर किती सोपे होईल. आपण सोबत काय घेऊन जाणार आहोत ? कोणी म्हणेल की, 'भाऊ, बायकोला सरळ कर' 'अरे तिला सरळ करायला जाशील तर तू वाकडा होऊन जाशील.' म्हणून बायकोला सरळ करायचा प्रयत्न करू नका. ती जशी आहे तशीच बरोबर आहे. तिच्याबरोबर आपले कायमचे नाते असते तर गोष्ट वेगळी. हे तर ह्या एका जन्मा नंतर दोघेही वेगळे होऊन जातील. दोघांचा मरणकाळ वेगळा, दोघांची कर्मे वेगळी! काहीच देण्या घेण्याचे संबंध नाही ! येथून मग ती कोणाकडे जाते ते आपल्याला
३७
