________________
प्रश्नकर्ता : घरी शिंपडतो ना.
दादाश्री : नाही, घरी असलेले चालणार नाही. असे कधी चालेल का? ज्ञानी प्रत्यक्ष येथे आले असतील आणि तरी तुम्हाला त्याची किंमतच नाही! शाळेत गेलेलात की नाही? किती वर्षे गेलात?
प्रश्नकर्ता : दहा वर्ष.
दादाश्री : मग तेव्हा तिथे काय शिकलात? भाषा! ही इंग्रजी भाषा शिकण्यासाठी दहा वर्षे काढली, मग येथे माझ्याजवळ तर मी फक्त सहा महिनेच सांगतो. सहा महिनेच जर माझ्या मागे फिरत राहिलात तर तुमचे(मोक्षाचे) काम होऊन जाईल.
दृढ निश्चय असेल तर अंतराय तुटतील प्रश्नकर्ता : माझे बाहेरचे सर्व कार्यक्रम ठरले आहेत त्यामुळे येण्यास अडचण होईल.
दादाश्री : हे तर आपला भाव स्ट्राँग असेल तर त्या अडचणी दूर होतील. तुमचा भाव मजबूत आहे की पोकळ आहे ते बघून घ्यायचे.
गॅरंटी सत्संगाने, संसाराच्या फायद्याची दादाश्री : माझ्याकडे सर्व व्यापारी येतात ना, ते असे व्यापारी असतात की ते जर दुकानात एक तास उशिरा गेले तर पाचशे-हजार रुपयांचे नुकसान होईल. त्यांना मी सांगितले, तुम्ही येथे याल तेवढा वेळ, तुमचे नुकसान होणार नाही आणि जर मध्येच रस्त्यात कोणाच्यातरी दुकानात अर्धा तास थांबलात तर तुमचे नुकसान होईल. येथे याल तर जबाबदारी माझी. कारण यात मला काही देणेघेणे नाही. तुम्ही येथे तुमच्या आत्म्यासाठी आले आहात. म्हणून मी सर्वांनाच सांगतो की जर येथे याल तर तुमचे कुठल्याही प्रकारचे नुकसान होणार नाही.
