Simple and Effective Science For Self Realization Marathi

SR No.: 034328
Original Sutra Author: N/A
Author: Dada Bhagwan
Publisher: Dada Bhagwan Aradhana Trust
Total Pages: 68
Language: Marathi
Classification: Book_Other
File Size: 2 MB

Page 3

दादा भगवान कोण? जून १९५८. संध्याकाळची अंदाजे सहाची वेळ. सुरत स्टेशनवर अलोट गर्दी होती. रेल्वेच्या प्लेटफॉर्म नंबर तीनच्या बाकावर बसलेले श्री. अंबालाल मूलजीभाई पटेल रुपी देहमंदिरात नैसर्गिक स्वरूपात कित्येक जन्मांपासून व्यक्त होण्यासाठी आतूर असलेले 'दादा भगवान' संपूर्णपणे प्रकट झाले आणि निसर्गाने सर्जन केले अध्यात्माचे अद्भूत आश्चर्य! एका तासात विश्वदर्शन लाभले. मी कोण? भगवंत कोण? जग कोण चालवत आहे ? कर्म म्हणजे काय? मुक्ती कशाला म्हणतात? इत्यादी जगातील सर्व आध्यात्मिक प्रश्नांचे रहस्य पूर्णपणे प्रकट झाले. अशा प्रकारे निसर्गाने विश्वाला प्रदान केले एक अद्वितीय, संपूर्ण दर्शन आणि याचे माध्यम बनले अंबालाल मूलजीभाई पटेल. जे होते गुजरातच्या चरोतर जिल्ह्यातील भादरण गावचे पाटील. कॉन्ट्रॅक्टचा व्यवसाय करणारे आणि तरीही पूर्ण वीतराग पुरुष.
त्यांना जे ज्ञान प्राप्त झाले तसेच फक्त दोन तासात इतर मुमुक्षूना सुद्धा आत्मज्ञान प्राप्त करून देत असत त्यांच्या सिद्ध झालेल्या अद्भूत ज्ञान प्रयोगाद्वारे. त्याला अक्रम (क्रमविरहीत) मार्ग म्हटले जाते. अक्रम म्हणजे क्रमाशिवायचा आणि क्रम म्हणजे पायरी पायरीने. क्रमाक्रमाने वर चढणे. अक्रम म्हणजे लिफ्ट मार्ग - शॉर्ट कट...!
ते स्वतः प्रत्येकाला 'दादा भगवान कोण?' याबद्दलची फोड करून देताना म्हणायचे की, "हे दिसतात ते 'दादा भगवान' नाहीत. हे तर ए.एम. पटेल आहेत. आम्ही ज्ञानीपुरुष आहोत आणि आत प्रकट झाले ते दादा भगवान आहेत. दादा भगवान तर 'चौदालोक' चे नाथ आहेत, ते तुमच्यात पण आहेत, सर्वांमध्ये आहेत. तुमच्यात अव्यक्त रुपात आहेत आणि 'येथे' माझ्या आत संपूर्णपणे व्यक्त झालेले आहेत. माझ्या आत प्रकट झालेले 'दादा भगवान' यांना मी पण नमस्कार करतो."
व्यापारात धर्म असावा परंतु धर्मात व्यापार नसावा. या सिद्धांताने त्यांनी आपले संपूर्ण जीवन व्यतीत केले. साऱ्या जीवनात त्यांनी कधीही कोणाकडूनही पैसे घेतले नाहीत. उलट स्वत:च्या व्यवसायातून झालेल्या फायद्यातून भक्तांना यात्रा करवित असत.