________________
दादाश्री : पाच आज्ञांचे एक कुंपण आहे, तुमच्यासाठी. ज्यामुळे आत तुमचा माल कोणी चोरु शकणार नाही, हे कुंपण जर तुम्ही सांभाळून ठेवले तर आत आम्ही जे दिले आहे ते एक्झेक्ट, तसेच्या तसेच राहिल, आणि कुंपण कमजोर झाले तर कोणी आत घुसून बिघडवेल. तेव्हा परत मला रिपेर करायला यावे लागेल. म्हणून या पाच आज्ञांमध्ये राहाल तोपर्यंत निरंतर समाधीची आम्ही गॅरंटी देतो.
आज्ञापालनामुळे वेगाने प्रगती
प्रश्नकर्ता : आपले ज्ञान प्राप्त केल्यानंतर आमची, महात्म्यांची जी प्रगती होते त्या प्रगतीचे वेग कशावर अवलंबून असेल ? काय केल्याने वेगाने प्रगती होईल ?
दादाश्री : पाच आज्ञा पाळल्या तर सर्व काही वेगाने होईल, पाच आज्ञाच प्रगतीचे कारण आहे. पाच आज्ञा पाळल्याने आवरणे तुटू लागतात. शक्ती प्रकट होऊ लागतात. ज्या शक्ती अव्यक्त आहेत त्या व्यक्त होऊ लागतात. पाच आज्ञांचे पालन केल्यामुळे ऐश्वर्य व्यक्त होत असते. सर्व प्रकारच्या शक्ती प्रकट होतात. सर्वकाही आज्ञापालनावर अवलंबून आहे.
आमच्या आज्ञेच्याप्रति सिन्सियर राहणे तो सर्वात मोठा, मुख्य गुण आहे, आमच्या आज्ञांचे पालन केल्यामुळे जो अबुध झाला तो आमच्या सारखाच होणार ना! परंतु जोपर्यंत आज्ञांचे सेवन करत आहे, तोपर्यंत आज्ञेमध्ये फेरफार व्हायला नको. मग काहीच हरकत नाही.
दृढ निश्चयानेच आज्ञा पालन !
दादाजींच्या आज्ञांचे पालन करायचे आहे, हीच सर्वात मोठी गोष्ट आहे. आज्ञांचे पालन करायचा निश्चय करायला हवा. आज्ञांचे पालन होत आहे की नाही ते तुम्हाला पाहायचे नाही. आज्ञांचे पालन जितके होऊ शकेल तितके बरोबर, पण तुम्हाला निश्चय करायला हवा की आज्ञांचे पालन करायचे आहे.
२४
