________________
ज्ञानाग्निने होतात कर्म भस्मिभूत
ज्या दिवशी हे 'ज्ञान' देतात त्यादिवशी काय होते ? ज्ञानाग्निने त्यांची जी कर्म आहेत, ती भस्मिभूत होऊन जातात. दोन प्रकारची कर्म भस्मिभूत होतात. आणि एक प्रकारचे कर्म बाकी राहतात. जी कर्म वाफ रुपेत आहेत, त्यांचा नाश होतो. आणि जी कर्म पाणीस्वरूप आहेत, त्यांचा सुद्धा नाश होतो पण जी कर्म बर्फस्वरूप आहेत, त्यांना मात्र भोगावेच लागते. कारण ती जमलेली आहेत आणि ती कर्म फळ देण्यासाठी तयार झालेली आहेत, ती मग सोडत नाही. पण पाणी आणि वाफस्वरूप जी कर्म आहेत, त्यांना ज्ञानाग्नि उडवून लावते, म्हणून ज्ञान मिळताच लोक एकदम हलके होऊन जातात, त्यांची जागृति एकदम वाढते. कारण जोपर्यंत कर्म भस्मिभूत होत नाहीत तोपर्यंत जागृति वाढतच नाही माणसाची. जे बर्फस्वरूप कर्म आहे ते तर आपल्याला अवश्य भोगायचे राहिलेत. आणि ते पण सरळपणे कसे भोगायचे त्याचे सगळे मार्ग आम्ही सांगितले की, 'भाऊ, या 'दादा भगवानांचा असीम जय जयकार हो' बोला, त्रिमंत्र बोला, नऊ कलमे बोला. '
संसारी दु:खांचा अभाव तो मुक्तीचा पहिला अनुभव म्हटला जातो. आम्ही 'ज्ञान' दिल्यानंतर लगेच दुसऱ्याच दिवशी तुम्हाला हा अनुभव येतो. मग शरीराचे ओझे, कर्माचे ओझे हे सर्व तुटतात तो दुसरा अनुभव. मग इतका आनंद होतो की त्याचे वर्णनच होऊ शकत नाही ! ! !
प्रश्नकर्ता : तुमच्याकडून ज्ञान मिळाले तेच आत्मज्ञान आहे ना ?
दादाश्री : मिळाले ते आत्मज्ञान नाही, तुमच्या आत जे प्रकट झाले ते आत्मज्ञान आहे. ज्ञानविधीत आम्ही तुमच्याकडून बोलवून घेतो आणि तुम्ही बोलता त्यासोबतच पापं भस्मिभूत होतात आणि आत ज्ञान प्रकट होते. तुमच्या आत ते प्रकट झाले आहे ना ?
प्रश्नकर्ता : हो, झाले आहे.
दादाश्री : आत्मा प्राप्त करणे ही काही सोपी गोष्ट नाही. त्यामागे
२१
