________________
ज्ञानीसाठी ठीक आहे, सरळ-सोपा आहे पण आमच्यासारख्या सामान्य, संसारात राहणाऱ्या, काम करणाऱ्या, लोकांसाठी हे कठीण आहे. त्यावर काय उपाय आहे?
दादाश्री : ज्ञानी पुरुषात भगवान प्रकट झालेले असतात, चौदालोकचे (ब्रह्मांडाचे) नाथ प्रकट झालेले असतात, असे ज्ञानी पुरुष लाभले मग काय बाकी राहील? तुमच्या शक्तिने करायचे नाही, त्यांच्या कृपेनेच होणार आगे. कृपेमुळेच सर्व फेरफार होते. म्हणजे येथे तुम्ही जे मागाल ते सर्व हिशोब पूर्ण होतात. तुम्हाला काहीच करायचे नाही. तुम्हाला फक्त ज्ञानी पुरुषांच्या आज्ञेतच राहायचे. हे अक्रम विज्ञान आहे. म्हणून या प्रत्यक्ष भगवानांकडून काम साधून घ्यायचे आहे आणि ते तुम्हाला क्षणोक्षणी (हजर) राहते, एक दोन तास नाही पण सतत.
प्रश्नकर्ता : म्हणजे त्यांना सर्व सोपवल्यावर तेच सर्व काही करतात?
दादाश्री : तेच सर्व काही करतील. तुम्हाला काहीच करायचे नाही, केल्याने तर कर्मबंधन होईल. तुम्हाला फक्त लिफ्टमध्ये बसायचे आणि पाच आज्ञा पाळायच्या. लिफ्टमध्ये बसल्यानंतर आत उड्या मारू नका. हात बाहेर काढू नका, एवढेच तुम्हाला करायचे आहे. कधीतरी असा मार्ग निघतो, तो पुण्यशाली लोकांसाठीच आहे, जगातले हे अकरावे आश्चर्य आहे! अपवादात्मक ज्याला मिळाले त्याचे काम झाले.
_ 'अक्रम मार्ग' चालूच आहे यात माझा हेतू एवढाच आहे की मी जे सुख प्राप्त केले ते सुख तुम्ही सुद्धा प्राप्त करावे. म्हणजे असे जे हे विज्ञान प्रकट झाले आहे ते काही असेच दबून राहणार नाही. आम्ही आमच्या मागे ज्ञानींची वंशवेल सोडून जाऊ. आमचे उत्तराधिकारी सोडून जाऊ आणि त्याच्या नंतर ज्ञानीची लिंक चालू राहिल. म्हणून सजीवन मूर्ति शोधा, त्याशिवाय मार्ग निघणार नाही.
