________________
सर्व साधू, संन्यासी प्राप्त करून बसले असते. परंतु ते तर ज्ञानी पुरुषांचे काम आहे. 'ज्ञानी पुरुष' त्याचे निमित्त आहेत.
जसे औषधासाठी डॉक्टरांची गरज आहे की नाही? की मग तुम्ही स्वतःच घरी औषध बनवून घेता? तेथे कसे जागृत राहता की काही चूक झाली तर मरून जाऊ! आणि आत्म्यासंबंधी स्वतःच 'मिक्श्चर' बनवून घेता. शास्त्रे गुरुकडून समजून घेण्याऐवजी स्वत:च्या बुद्धीने वाचली आणि मिक्श्चर बनवून पिऊन टाकले. याला भगवंतानी स्वच्छंद म्हटले आहे. या स्वच्छंदामुळे तर अनंतजन्माचे मरण झाले! तो तर एकच जन्माचा मृत्यू होता.
अक्रम ज्ञानामुळे रोख मोक्ष । सध्या ज्ञानी पुरुष प्रत्यक्ष हजर आहेत म्हणून मार्ग सुद्धा मिळेल, नाहीतर लोक सुद्धा पुष्कळ विचार करतात, परंतु त्यांना मार्ग सापडत नाही व चुकीच्या मार्गाने चालत राहतात. 'ज्ञानी पुरुष' तर कधीकाळी एखादेच प्रकट होतात, आणि त्यांच्याकडून ज्ञान मिळते व आत्मानुभव होतो. मोक्ष तर येथेच रोख मिळायला हवा. येथेच देहासहित मोक्ष अनुभवास आला पाहिजे. या अक्रमज्ञानामुळे रोकड मोक्षही मिळतो आणि अनुभव सुद्धा येतो, असे आहे!
ज्ञानीच करवितात आत्मा-अनात्माचा भेद जसे या अंगठीत सोने आणि तांबे दोन्ही मिसळलेले आहेत. ही अंगठी आपण गावात घेऊन जाऊन कोणाला सांगितले की, 'भाऊ, यातील सोने आणि तांबे वेगळे करून द्या ना!' तर काय कोणीही करून देइल? कोण करू शकेल?
प्रश्नकर्ता : सोनारच करू शकेल.
दादाश्री : ज्याचे हे काम आहे, जो यात एक्सपर्ट आहे, तो सोने आणि तांबे दोन्ही वेगळे करेल. शुद्ध शंभर नंबरी सोने वेगळे करेल,
