________________
ಮೃತ್ಯು ಸಮಯದಲ್ಲಿ ಪ್ರಶ್ನಕರ್ತ: ಪ್ರಾಯಶ್ಚಿತ್ತದಿಂದ ಎಲ್ಲವೂ ಕಳಚಿ ಬೀಳುತ್ತವೆಯೇ?
ದಾದಾಶ್ರೀ: ಹೌದು, ನಾಶವಾಗಿ ಬಿಡುತ್ತವೆ. ಕೆಲವೊಂದು ಪ್ರಕಾರದ ಬಂಧನವಿರುತ್ತವೆ, ಆ ಕರ್ಮಗಳಿಗೆ ಪ್ರಾಯಶ್ಚಿತ್ತ ಮಾಡಿಕೊಳ್ಳುವುದರಿಂದ ಬಿಗಿಯಾಗಿರುವ ಗಂಟುಗಳು ಸಡಿಲವಾಗಿ ಬಿಡುತ್ತವೆ. ನಮ್ಮ ಪ್ರತಿಕ್ರಮಣದಲ್ಲಿ ಬಹಳಷ್ಟು ಶಕ್ತಿ ಇದೆ. ದಾದಾರವರ ಹಾಜರಿಯನ್ನು ಇಟ್ಟುಕೊಂಡು ಮಾಡಿದಾಗ ಕೆಲಸವಾಗಿಬಿಡುತ್ತದೆ.
ಈ ಜ್ಞಾನ ಪ್ರಾಪ್ತಿಯ ಬಳಿಕದ ಲೆಕ್ಕಾಚಾರ ಮಹಾವಿದೇಹಕ್ಕಾಗಿ!
ಕರ್ಮಗಳ ಹೊರೆಯಿಂದಾಗಿ ಅವತಾರಗಳನ್ನು ಪಡೆಯಬೇಕಾಗಿ ಬಂದರೆ ಬರಲಿ, ಆದರೆ ಅದು ಕೇವಲ ಇನ್ನು ಒಂದು-ಎರಡು ಅವತಾರಗಳಷ್ಟೇ. ನಂತರ 'ಸಿಮಂಧರ್ ಸ್ವಾಮಿ'ಯ ಬಳಿಗೆ ಹೋಗಲೇ ಬೇಕಾಗಿದೆ. ಇಲ್ಲಿಂದ ಮುಂದಕ್ಕೆ ಹೋಗಲು ಮೊದಲಿನ ಲೆಕ್ಕಾಚಾರದ ಪ್ರಕಾರ ಯಾವುದೋ ಬಹಳ ಅಂಟಿಕೊಂಡಿರುವ ಕರ್ಮಗಳಿವೆ, ಅವುಗಳನ್ನು ಸಂಪೂರ್ಣವಾಗಿ ಮುಗಿಸದೆ, ಅವುಗಳಿಂದ ತಪ್ಪಿಸಿಕೊಳ್ಳಲು ಸಾಧ್ಯವೇ ಇಲ್ಲ! ಪ್ರಶ್ಯಕರ್ತ: ಪ್ರತಿಕ್ರಮಣ ಮಾಡುವುದರಿಂದ ಕರ್ಮಗಳ ಹೊರೆಯು ಕಡಿಮೆಯಾಗುತ್ತದೆಯೇ? ದಾದಾಶ್ರೀ: ಕಡಿಮೆಯಾಗುತ್ತದೆ! ಅಲ್ಲದೆ ಶೀಘ್ರವಾಗಿ ಸಮಾಧಾನವೂ ದೊರಕುತ್ತದೆ.
'ನಾವು' ಹೀಗೆ ಮಾಡಿದೆವು ನಿವಾರಣೆ ವಿಶ್ವದೊಂದಿಗೆ!
ನಮ್ಮಿಂದೆಷ್ಟು ತಪ್ಪುಗಳನ್ನು ಮಾಡಲಾಗಿತ್ತೋ, ಅವುಗಳಿಗೆ ಪಶ್ಚಾತ್ತಾಪ, ಪ್ರತಿಕ್ರಮಣ, ಪ್ರತಿಜ್ಞೆಯನ್ನು ಮಾಡಬೇಕು. ಎಷ್ಟು ತೀವ್ರತೆಯಿಂದ ಪ್ರತಿಕ್ರಮಣವನ್ನು ಮಾಡಲಾಗುವುದೋ, ಅಷ್ಟು ಮೋಕ್ಷವು ಸಮೀಪಕ್ಕೆ ಬರುವುದಾಗಿದೆ.
ಪ್ರಶ್ನಕರ್ತ: ಈ files ಗಳು ಮತ್ತೆ ಅಂಟಿಕೊಳ್ಳುವುದಿಲ್ಲ ತಾನೇ ಇನ್ನೊಂದು ಜನ್ಮದಲ್ಲಿ?
ದಾದಾಶ್ರೀ: ಯಾಕೆ ತೆಗೆದುಕೊಂಡು ಹೋಗಬೇಕು? ನಾವು ಇನ್ನೊಂದು ಜನ್ಮಕ್ಕೆ ಯಾಕೆ ತೆಗೆದುಕೊಂಡು ಹೋಗಬೇಕು? ಈಗಿಂದೀಗಲೇ ಪ್ರತಿಕ್ರಮಣ ಎಷ್ಟಾಗುತ್ತದೆ ಅಷ್ಟು ಮಾಡಿ ಮುಗಿಸಿಬಿಡಬೇಕು. ಯಾವ ಕೆಲಸದ ಒತ್ತಡವೂ ಇಲ್ಲದಿರುವಾಗ, 'files'ಗಳ ಪ್ರತಿಕ್ರಮಣವನ್ನು ಮಾಡುತಲಿರಬೇಕು. 'ಚಂದುಭಾಯ್'ಗೆ, 'ನೀವು' ಕೇವಲ ಇಷ್ಟು ಹೇಳಬೇಕು, 'ನೀನು ಪ್ರತಿಕ್ರಮಣ ಮಾಡುತಲಿರು' ಎಂದು. ನಿಮ್ಮ ಮನೆಯಲ್ಲಿನ ಪ್ರತಿಯೊಬ್ಬ ವ್ಯಕ್ತಿಗೂ, ಒಂದಲ್ಲಾ
