________________
ಮೃತ್ಯು ಸಮಯದಲ್ಲಿ
ನಂತರ ಇಲ್ಲ ಎಂಬತ್ತನಾಲ್ಕು ಲಕ್ಷ ಯೋನಿ!
ಪ್ರಶ್ನಕರ್ತ: ಆದರೆ ಹೀಗೆಂದು ಹೇಳುತ್ತಾರಲ್ಲಾ, ಮಾನವ ಜನ್ಮವು ಎಂಬತ್ನಾಲ್ಕು ಲಕ್ಷ ಯೋನಿಗಳಲ್ಲಿ ಅಲೆದಾಡಿದ ನಂತರ ಪ್ರಾಪ್ತಿಯಾಗುತ್ತದೆ, ಹಾಗಾದರೆ ಮತ್ತೆ ಹಿಂದೆ ಹೋದರೆ ಅಷ್ಟು ಅಲೆದಾಡಿದ ನಂತರವೇ ಪುನಃ ಮಾನವ ಜನ್ಮ ಸಿಗುವುದೇ?
ದಾದಾಶ್ರೀ: ಹಾಗೆಂದೇನೂ ಇಲ್ಲ. ಒಂದು ಸುತ್ತು ತಿರುಗಿ ಮನುಷ್ಯ ಜನ್ಮದಲ್ಲಿ ಬಂದಮೇಲೆ ಪುನಃ ಎಲ್ಲಾ ಎಂಬತ್ನಾಲ್ಕು ಲಕ್ಷ ಯೋನಿಗಳಲ್ಲಿ ಅಲೆದಾಡಬೇಕಾಗಿ ಬರುವುದಿಲ್ಲ. ಯಾರಲ್ಲಿ ಪಶುವಿನ ಗುಣಗಳಿರುವವೋ, ಅವರು ಗರಿಷ್ಟ ಅಂದರೆ ಎಂಟು ಭವಗಳು ಪಶುವಿನ ಯೋನಿಯಲ್ಲಿ ಹೋಗಬೇಕಾಗಿ ಬರುತ್ತದೆ, ಅದೂ ಕೂಡಾ ನೂರು-ಇನ್ನೂರು ವರ್ಷಗಳ ಮಟ್ಟಿಗೆ ಮಾತ್ರ; ಪುನಃ ಇಲ್ಲಿಗೆಯೇ ಮನುಷ್ಯ ಗತಿಗೆ ಬರುತ್ತಾರೆ. ಒಂದು ಸುತ್ತು ತಿರುಗಿ ಮನುಷ್ಯನಾದ ಮೇಲೆ ಪುನಃ ಎಂಬತ್ನಾಲ್ಕು ಲಕ್ಷ ಯೋನಿಗಳಲ್ಲಿ ಅಲೆದಾಡುವುದು ಇರುವುದಿಲ್ಲ.
ಪ್ರಶ್ನಕರ್ತ: ಒಂದೇ ಆತ್ಮ ಎಂಬತ್ನಾಲ್ಕು ಲಕ್ಷ ಯೋನಿಗಳಲ್ಲಿ ಸುತ್ತುವುದು ನಿಜವೇ?
ದಾದಾಶ್ರೀ: ಹೌದು, ಒಂದೇ ಆತ್ಮವಾಗಿದೆ.
ಪ್ರಶ್ನಕರ್ತ: ಆದರೆ ಆತ್ಮವು ಪವಿತ್ರವಾಗಿದೆ ಅಲ್ಲವೇ?
ದಾದಾಶ್ರೀ: ಆತ್ಮವು ಪವಿತ್ರವಾಗಿಯೇ ಇದೆ. ಅದು ಎಂಬತ್ನಾಲ್ಕು ಲಕ್ಷ ಯೋನಿಗಳಲ್ಲಿ ಅಲೆದಾಡಲ್ಪಟ್ಟಿದ್ದರೂ ಪವಿತ್ರವಾಗಿಯೇ ಇರುತ್ತದೆ. ಅದು ಪವಿತ್ರವಾಗಿತ್ತು ಹಾಗೂ ಪವಿತ್ರವಾಗಿಯೇ ಇರುತ್ತದೆ!!
ಇಚ್ಚೆಯ ಪ್ರಮಾಣದಂತೆ ಗತಿಯು!
ಪ್ರಶ್ನಕರ್ತ: ಮರಣದ ಮೊದಲು ಯಾವುದರ ಮೇಲೆ ಇಚ್ಚೆ ಇರುವುದೋ, ಆ ಪ್ರಕಾರದ ಜನ್ಮವು ಉಂಟಾಗುತ್ತದೆ ಅಲ್ಲವೇ?
ದಾದಾಶ್ರೀ: ಹೌದು, ನಮ್ಮ ಜನರು ಅದನ್ನು ಇಚ್ಚೆ ಎನ್ನುತ್ತಾರೆ. ಮರಣ ಹೊಂದುವ ಮೊದಲು ಇಂತಹ ಇಚ್ಛೆಗಳಿತ್ತು ಎಂದು, ಆದರೆ ಆ ಇಚ್ಛೆಗಳು ಆಗ ಎಲ್ಲಿಂದಲೋ ಬರುವುದಿಲ್ಲ. ಅದೆಲ್ಲಾ ಲೆಕ್ಕಾಚಾರವೇ ಆಗಿದೆ. ಇಡೀ ಜೀವನದಲ್ಲಿ ಏನೆಲ್ಲಾ ಮಾಡಲಾಗಿತ್ತು, ಅದು ಮರಣ ಹೊಂದುವ
