________________
-19
ಮೃತ್ಯು ಸಮಯದಲ್ಲಿ ಮಾಡುವುದಿಲ್ಲ. ಇವೆಲ್ಲಾ ಏನೂ ಇಲ್ಲ. ಇಲ್ಲಿಂದ ಆತ್ಮ ಹೊರಟಿತೆಂದರೆ ನೇರವಾಗಿ ಅದು ಸಂಚರಿಸಿ ಕೊಂಡುಹೋಗುತ್ತದೆ ಮತ್ತು ಗರ್ಭವು ಪ್ರಾಪ್ತಿಯಾಗುತ್ತದೆ.
ಮರಣಹೊಂದಿದವರಿಗೆ ಇಲ್ಲ ಯಾವ ಲೇವಾದೇವಿ!
ಪ್ರಶ್ಯಕರ್ತ: ಮೃತ್ಯುವಿನ ನಂತರ ಏನಾದರು ಭಜನೆ-ಕೀರ್ತನೆ ಮಾಡಬೇಕೋ ಬೇಡವೋ? ಅದರಿಂದ ಏನು ಪ್ರಯೋಜನ?
ದಾದಾಶ್ರೀ: ಮೃತ್ಯುಹೊಂದಿದವರಿಗೆ, ಯಾವುದರ ಲೇವಾದೇವಿಯು ಇಲ್ಲ.
ಪ್ರಶ್ನಕರ್ತ: ಹಾಗಿದ್ದರೆ ಈ ನಮ್ಮ ಧಾರ್ಮಿಕ ವಿಧಿಗಳಿವೆಯಲ್ಲ ಮತ್ತು ಮರಣದ ಪ್ರಸಂಗದಲ್ಲಿ ಯಾವುದೆಲ್ಲಾ ವಿಧಿ, ಕಾರ್ಯಗಳಿವೆ ಅವು ಸರಿಯೋ ಅಥವಾ ಅಲ್ಲವೋ?
ದಾದಾಶ್ರೀ: ಯಾವುದೂ ಇದರಲ್ಲಿ ಒಂದು ಅಂಶ ಕೂಡಾ ಸರಿಯಿಲ್ಲ. ಯಾರು ಹೋಗುವವರಿದ್ದರೋ ಅವರು ಹೋದರು. ಜನರು ಅವರಷ್ಟಕ್ಕೆ ತಿಳಿದಿರುವುದನ್ನು ಮಾಡಿಕೊಂಡಿರುತ್ತಾರೆ ಹಾಗು ಎಲ್ಲಿಯಾದರೂ ಅವರಿಗೆ, 'ನಿಮಗೋಸ್ಕರ ಏನಾದರು ಒಳ್ಳೆಯದನ್ನು ಮಾಡಿಕೊಳ್ಳಿ!' ಎಂದು ಹೇಳಿದರೆ, ಆಗ ಅವರು ಹೇಳುತ್ತಾರೆ, 'ನನಗೆ ಅದಕ್ಕೆಲ್ಲಾ ಸಮಯವೇ ಇಲ್ಲ' ಎಂದು. ಇನ್ನೂ ತಂದೆಯ ಒಳಿತಿಗಾಗಿ ಮಾಡಲು ಹೇಳಿದರೆ, ಆಗಲೂ ಹಿಂದೆಮುಂದೆ ನೋಡುವಂಥವರು. ಆಗ ಅಕ್ಕ ಪಕ್ಕದವರು ಹೇಳಿ ಬಲವಂತ ಮಾಡಿ, ನಿನ್ನ ತಂದೆಗಾಗಿಯಾದರೂ ಮಾಡು, ಎಂದು ಒತ್ತಾಯಪಡಿಸಿ ಅಂತಹ ಕಾರ್ಯಗಳನ್ನೆಲ್ಲಾ ಮಾಡಿಸುತ್ತಾರೆ!
ಪ್ರಶ್ನಕರ್ತ: ಹಾಗಿದ್ದರೆ ಈ ಗರುಡ ಪುರಾಣ ಓದಿಸುತ್ತಾರಲ್ಲವೇ ಅದು ಏನು? ದಾದಾಶ್ರೀ: ಈ ಗರುಡ ಪುರಾಣ ಎಲ್ಲಾ ಬಹಳ ದುಃಖದಲ್ಲಿ ಇರುವವರಿಗೆ ಒಂದು ಕಡೆ ಕುಳ್ಳಿರಿಸಿ, ನಂತರ ಅವರಿಗೆ ಸಮಾಧಾನಪಡಿಸಲು ಉಪಾಯ ಮಾಡುವುದಾಗಿದೆ. ಅದಕ್ಕಾಗಿಯೇ ಈ ಎಲ್ಲಾ ಉಪಾಯಗಳಾಗಿವೆ.
