Gujaratna Jain Tirtho

SR No.: 034163
Original Sutra Author: N/A
Publisher: Navyug Pustak Bhandar
Publication Year: 2006
Total Pages: 133
Language: Gujarati
Classification: Book_Gujarati
File Size: 7 MB

Page 62

ગુજરાતના જૈનતીર્થો
મનોહર જિનપ્રતિમા ભરાવીને તેની નિત્ય સેવા-પૂજા કર...'
રાજા પાલણે ગુરુ ભગવંતને વંદન કર્યા અને ગુરુદેવના વચનોને અનુસરીને રાજાએ શ્રી પાર્શ્વપ્રભુની દિવ્ય અને ભવ્ય જિનપ્રતિમા પ્રતિષ્ઠિત કરાવી. તે નિયમિત સેવા-પૂજા કરવા લાગ્યો. પરમાત્માની પૂજાના પ્રભાવથી તેનો વર્ષોથી પરેશાન કરતો કુનો વ્યાધિ નષ્ટ થયો. આવો દિવ્ય ચમત્કાર થતાં, રાજા પાલણની જિનશાસન પ્રત્યેની ભક્તિમાં ઉમેરો થતાં, રાજા પાલણની કાયા શ્રી પાર્શ્વપ્રભુની સેવાપૂજાથી પલ્લવિત થતાં રાજાએ પ્રતિમાના દિવ્ય પ્રભાવથી પરમાત્માને ‘પલ્લવિયા પાર્શ્વનાથ'ના નામથી પોકાર્યા.
૫૧
પાલણ રાજાએ સંવત ૧૦૧૧ની સાલમાં નૂતન નગર વસાવ્યું. તેણે આ નગર પોતાના નામ પરથી પાલ્હણપુર કે પ્રહ્લાદનપુર રાખ્યું. આ નગરીને પોતાના રાજ્યની રાજધાની બનાવી. તેણે અહીં ‘પ્રહ્લાદન વિહાર’ નામનો ભવ્ય જિનપ્રાસાદ બંધાવીને તેમાં ‘શ્રી પલ્લવિયા પાર્શ્વનાથ' બિરાજમાન કર્યા. આ પ્રસંગ અનેરા ઉમંગ સાથે ભવ્ય મહોત્સવ રચીને ઊજવ્યો હતો. આ પ્રતિમાજી ‘પ્રહ્લાદન પાર્શ્વનાથ'ના નામથી પણ ઓળખાતા રહ્યા હતા.
રાજા પાલણે જિનાલયમાં પ્રતિષ્ઠિત શ્રી પાર્શ્વપ્રભુની પ્રતિમાજી મુસ્લિમોના આક્રમણથી બચાવવા ભંડારી દેવાઈ હોવાની સંભાવતા છે. ત્યાર બાદ શ્રી પાર્શ્વનાથ પ્રભુની નૂતન પ્રતિમા બનાવાઈ અને વિ.સં. ૧૨૭૪માં કોરટગચ્છીય આ.ભ.શ્રી કક્કસૂરિજીના હસ્તે તે પ્રતિમાજીને મૂળ જિનાલયમાં પ્રતિષ્ઠિત કરવામાં આવી જે ‘શ્રી પલ્લવિયા પાર્શ્વનાથ' તરીકે ઓળખાય છે.
શ્રી પલ્લવિયા પાર્શ્વનાથનું બે માળનું જિનાલય આજે પણ વિદ્યમાન છે. સંવત ૧૩૧૫ના સાલના લેખવાળી અંબિકાદેવીની પ્રાચીન મૂર્તિ આજે પણ છે. આ મુખ્યમંદિરની બાજુમાં અન્ય બે જિનાલયો આવેલાં છે. એકમાં શ્રી આદિનાથ પ્રભુ અને બીજા જિનાલયમાં નેમિનાથ પ્રભુ મૂળનાયક રૂપે બિરાજમાન છે. આ નગરીની સમૃદ્ધિ અને ભવ્યતામાં દિન-પ્રતિદિન વધારો થતો ગયો.