Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
૫૦
ગુજરાતના જૈનતીર્થો
શ્રી પલ્લવિયા પાર્શ્વનાથની તેજસ્વી પ્રતિમાજી અહીં બિરાજમાન છે. જૈન શાસનના ઝગમગતા સિતારા સમાન, પરમ પ્રભાવક આ.શ્રી સોમસુંદરસૂરિ તથા મોગલ શહેનશાહ અકબરને પ્રતિબોધ આપનાર આચાર્ય ભગવંત શ્રી હીરવિજયસૂરિ જેવી હસ્તીઓની પાલનપુર જન્મભૂમિ રહી છે. પાલનપુર નગર એક હજાર વર્ષથી પ્રાચીન હોવાનું માનવામાં આવે છે. મહારાજા પાલણ અર્થાત્ પ્રહ્લાદને અર્બુદાચલના શાસન પર બેસીને વિ.સં. ૧૮૦૦૧માં રાજ્યની ધુરા સંભાળી. રાજા પાલણ પરમ શિવભક્ત હતો. તેણે પિત્તળની ધાતુની એક દર્શનીય જિન પ્રતિમાજીને પિગાળીને તેમાંથી એક નંદીનું નિર્માણ કરાવ્યું. રાજા પાલણે આ નંદી એક શિવમંદિરમાં પ્રતિષ્ઠિત કર્યો.
રાજા પાલણથી આ અક્ષમ્ય ભૂલ થઈ ગઈ હતી. તેને આચરેલા પાપની સજા ભોગવવી પડી. કર્મની સત્તા સામે કોઈનું કશું ચાલતું નથી. પાલણ રાજાને આચરેલા પાપની સજા મળી. તેની કામણગારી કાયા ૫૨ કુષ્ઠરોગે ભરડો લીધો. સમગ્ર દેહ કુષ્ઠરોગથી આવૃત્ત બની ગયો. રાજા પાલણે રોગમુક્ત થવા તમામ પ્રકારના ઉપચારો કર્યા, પરંતુ કોઈ ઉપાય કારગત ન નીવડ્યો.
રાજા પાલણ રાજસભામાં આવતો નહોતો. રાજાની નબળાઈનો લાભ તેના ભાયાતોએ લઈને રાજ્ય પચાવી પાડ્યું અને રાજા પાલણને નગરી બહાર કાઢી મૂક્યો. રાજા પાલણ કુષ્ઠરોગ સાથે અહીંતહીં ભટકવા લાગ્યો, ત્યારે તેનો ભેટો આચાર્ય શીલધવલસૂરિ સાથે થયો. રાજા પાલણે આચાર્ય ભગવંત સમક્ષ પોતાની કરુણ કથની કહી સંભળાવી અને ધ્રુસકે ધ્રુસકે રડવા લાગ્યો અને પોતાનાથી આચારાઈ ગયેલું પાપ જ્ઞાની ભગવંત સમક્ષ રજૂ કર્યું. રાજાએ પોતાનાથી થઈ ગયેલા દુષ્ટ કૃત્યનું પ્રાયશ્ચિત્ત આપવા આચાર્ય ભગવંતને વિનંતી કરી.
ત્યારે આચાર્ય ભગવંત શ્રી શીલધવલસૂરિએ રાજા પાલણને સાંત્વન આપીને કહ્યું : ‘હે રાજન ! તારાથી અક્ષમ્ય અપરાધ થયો છે, પરંતુ તને પશ્ચાત્તાપ પણ થાય છે એટલે પ્રાયશ્ચિત્ત રૂપે તું એક
For Private and Personal Use Only
| SR No. | 034163 |
| Book Title | Gujaratna Jain Tirtho |
| Original Sutra Author | N/A |
| Author | |
| Publisher | Navyug Pustak Bhandar |
| Publication Year | 2006 |
| Total Pages | 133 |
| Language | Gujarati |
| Classification | Book_Gujarati |
| File Size | 7 MB |