Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ગુજરાતના જૈનતીર્થો
ભગવાન શાંતિનાથની પ્રતિષ્ઠા કરાવી હતી. આ ગામમાં શ્રી શાંતિનાથ ભગવાનનું જિનાલય છે. તેના મૂળનાયક નીચે સં.૧૨૮૧નો ઉલ્લેખ છે. તેમજ શ્રી નેમિનાથ પ્રભુના મંદિરમાં મૂળનાયક નીચે સંવત ૧૮૮૮નો લેખ છે.
મોટા પોસીનામાં ચોથું શ્રી મહાવીર સ્વામીનું જિનાલય છે. આ. શ્રી વિજયદેવસૂરિ મ. ૧૭મા સૈકામાં મોટા પોસીના પધાર્યા ત્યારે અહીંનાં પાંચેય જિનાલયોનો જીર્ણોદ્ધાર કરાવ્યો હતો. જૈનાચાર્યોએ શ્રી મોટા પોસીના પાર્શ્વનાથ તીર્થની મુક્તમને પ્રશસ્તિ કરી છે.
શ્રી મોટા પોસીના તીર્થ શ્રી મોટા પોસીના જે.મુ.દેરાસર ટ્રસ્ટ, મુ.પો. મોટા પોસીના – ૩૮૩૪૨૨. તા. ખેડબ્રહ્મા (જિ.સાબરકાંઠા). ફોન નં. (૦૨૭૭૫) ૨૮૩૪૭૧, ૨૮૩૩૩૦છે. આ તીર્થની નજીકમાં કુંભારિયાજી ૨૯ કિ.મી., ખેડબ્રહ્મા ૪૫ કિ.મી. તથા ઈડર ૭૦ કિ.મી.ના અંતરે આવેલાં તીર્થો છે.
૪ર :
શ્રી નાના પોસીના તીર્થ
ગુજરાતના સાબરકાંઠા જિલ્લાના ઈડર તાલુકામાં આવેલા નાના પોસીના (સાવલી) ખાતે પરમ પ્રભાવક અને ચમત્કારિક તીર્થધામ શ્રી પોસીના પાર્શ્વનાથનું પ્રાચીન જિનાલય આવેલું છે. આ તીર્થ ઈડરથી ૨૨ કિ.મી.ના અંતરે આવેલું છે. અહીં ધર્મશાળાની ઉત્તમ સગવડ છે.
ઈડર તાલુકાના નાના પોસીના ગામની વચ્ચોવચ્ચ શ્રી પોસીના પાર્શ્વનાથ પ્રભુનું ભવ્ય, શિખરબંધી પ્રાચીન જિનાલય આવેલું છે. આ પ્રતિમાજી મહારાજા સંપ્રતિના સમયની છે.
૧૨માં સૈકા પૂર્વે એક ધર્મશ્રદ્ધાળુ બ્રાહ્મણ પોતાના ખેતરમાં ખેડી રહ્યો હતો, ત્યારે તેનું હળ કંથેરના વૃક્ષ નીચે અટક્યું. આથી તે બ્રાહ્મણને આશ્ચર્ય થયું. તેણે તરત જ પોતાના હળને દૂર કર્યું અને તે જગ્યાએ ખોદકામ કર્યું. ત્યાં તેની દષ્ટિમાં શ્રી પાર્શ્વનાથજીની પ્રતિમા જોવામાં આવી. બ્રાહ્મણદેવતા અત્યંત આનંદ પામ્યો. તેણે ખૂબ જ બૈર્યથી ૩૧ ઇંચ ઊંચી પ્રતિમાજીને ભૂમિમાંથી બહાર કાઢી. બ્રાહ્મણના
For Private and Personal Use Only
| SR No. | 034163 |
| Book Title | Gujaratna Jain Tirtho |
| Original Sutra Author | N/A |
| Author | |
| Publisher | Navyug Pustak Bhandar |
| Publication Year | 2006 |
| Total Pages | 133 |
| Language | Gujarati |
| Classification | Book_Gujarati |
| File Size | 7 MB |