Page Text
________________
Shri Mahavir Jain Aradhana Kendra
૪૬
www.kobatirth.org
Acharya Shri Kailassagarsuri Gyanmandir
ગુજરાતના જૈનતીર્થો
ભગવંતની વાણી સાંભળીને વધારે ધર્માભિમુખ બન્યો. એને મનોહર જિનાલય બંધાવવાની ભાવના થઈ. ભાવનાને સાકાર કરવા તેણે બે મંડપ સાથેના ભવ્ય જિનાલયું નિર્માણ કરાવ્યું. આ જિનાલયમાં તેની પત્ની અહિલદેવી તથા પુત્રીએ સં.૧૪૭૭માં આ.ભ.શ્રી સોમસુંદરસૂરિજી મ.ના વરદ હસ્તે શ્રી પાર્શ્વનાથ પ્રભુની પ્રતિમાજીની પ્રતિષ્ઠા કરી.
મંગલ સમયમાં, ઉત્તમ ચોઘડિયે મંદિરનો પ્રતિષ્ઠા-મહોત્સવ તો સંપન્ન થયો, પણ અચાનક એક વિઘ્ન આવીને ઊભું રહ્યું. એવું બન્યું કે જિનાલયની પાસે એકાએક આગ લાગી. સૌ કોઈ ચિંતામાં પડી ગયાં અને વિચારવા લાગ્યાં કે થોડી વારમાં નૂતન જિનાલય આગની લપેટમાં ભરખાઈ જશે.
મહોત્સવમાં આવેલા સૌ કોઈની ચિંતાનો પાર નહોતો. એ વખતે તો અગ્નિની મહાજ્વાળાને તત્કાળ ઠારવાનાં સાધનો નહોતાં.
ત્યાં જ ચમત્કાર થયો. એકાએક પ્રગટેલો અગ્નિ જિનાલયને કોઈ પણ નુકસાન કર્યા વિના શાંત પડી ગયો. આમ થતાં સૌ કોઈ પાર્શ્વનાથ પ્રભુનો અને જૈન શાસનદેવનો જયનાદ કરવા લાગ્યા. સૌ કોઈને થયું કે આ પ્રભુના પ્રભાવથી જ અગ્નિ શાંત પડ્યો છે. અગ્નિના વિઘ્નનો અપહાર થતાં લોકો ઉમંગ સાથે બોલી ઊઠ્યા : શ્રી વિઘ્નાપહાર પાર્શ્વનાથ ભગવાનની જય.'
એ દિવસથી જૈન-જૈનેતરોમાં શ્રી વિઘ્નાપહાર પાર્શ્વનાથ પ્રભુ પ્રત્યેની શ્રદ્ધા અને ભક્તિમાં વધારો થયો. મહારાજા સાયરે શ્રી જિનાલયના નિભાવ માટે એક વાડીની ભેટ શ્રીસંઘને આપી હતી. આ. શ્રી સોમસુંદરસૂરિજી મ.ના ઉપદેશથી સં. ૧૪૮૧માં માંડણ ગામના શ્રેષ્ઠીએ આ જિનાલયમાં એક દેવકુલિકાનું નિર્માણ કર્યું હતું. જ્યારે સં. ૧૪૯૧ના માગસર વદ ૪ના દિવસે અર્જુન નામના શ્રેષ્ઠીએ આ. સોમસુંદરસૂરિના વરદ હસ્તે જિનાલયમાં ઋષભદેવ પ્રભુની પ્રતિમાજી પ્રતિષ્ઠિત કરાવી.
સં. ૧૪૮૧માં માંડણ શ્રેષ્ઠીએ આ.શ્રી સોમસુંદરસૂરિજીના હસ્તે
For Private and Personal Use Only
| SR No. | 034163 |
| Book Title | Gujaratna Jain Tirtho |
| Original Sutra Author | N/A |
| Author | |
| Publisher | Navyug Pustak Bhandar |
| Publication Year | 2006 |
| Total Pages | 133 |
| Language | Gujarati |
| Classification | Book_Gujarati |
| File Size | 7 MB |