________________
પ્ર.૧ વહોરાવવા માટે બધો જ કેરીનો રસ આપવા દૂધ, ફ્રીઝ માં ન મૂકે
અને બહાર રાખી મૂકે તો શું સ્થાપના દોષ લાગે ? કે પછી અલગ વિભાગ કરીને જુદુ રાખી મૂકે તો જ લાગે ? એવી જ રીતે રોટલી કોરી રાખી મૂકે તો પણ શું દોષ લાગે ?
મહાત્મા આવવાના જ છે એવું નક્કી નથી. પણ આ તો કદાચ મહાત્મા પધારે અને તેઓશ્રીને ખપ હોય તો લાભ મળી જાય
આ હેતુથી આવું થતું હોય છે. તો આમાં દોષ સમજવો કે નહિ ? ઉત્તર ફ્રીઝ એ તેઉકાય-અપ્લાયનો સંઘો છે. જેનાથી અનેષણા થાય છે,
સુપાત્રદાનવિધિને સમજીને શ્રાવક વનસ્પતિકાય વગેરેના સંઘટ્ટાનો પરિહાર કરે, એનાથી જેમ દોષ ન લાગે, તેમ ફ્રીઝના પરિહારમાં પણ દોષ જણાતો નથી. સ્થાપનાદોષનો વિષય આનાથી જુદો પડે છે. થોડું ફ્રીજમાં ને થોડું વહોરાવવા માટે બહાર – એમાં સ્થાપનાદોષ લાગે છે. બધુ બહાર રાખે, તેમાં વહોરાવવાનો ભાવ હોવા છતાં શ્રમણ માટે કર્યું, (બનાવ્યું) કરાવ્યું. અનુમો ન હોવાથી દોષ નથી. અષ્ટક પ્રકરણમાં પૂ.હરિભદ્રસૂરિ મહારાજાએ કહ્યું છે.
विभिन्नं देयमाश्रित्य स्वभोग्याद्यत्र वस्तुनि । सङ्कल्पनं क्रियाकाले तद्दष्टं विषयोऽनयोः ॥६-६॥ स्वोचिते तु तदारम्भे, तथा सङ्कल्पनं क्वचित् । न दुष्टं शुभभावत्वात्तच्छुद्धापरोयगवत् ॥६-७॥
પોતાને ઉપયોગી આહારાદિથી અલગ આહારાદિને ઉદ્દેશીને રસોઈ કરતી વખતે વિચારાય કે આટલું સ્વજનો માટે, આટલું યાચકો માટે, તો તે આહારાદિ દોષિત છે. યાવદર્થિક + પુણ્યાર્થિક વિદ્ધિ ભોજનનો એ વિષય બને છે.
પણ પોતાના માટે જ બનાવ્યું હોય, તેમાં વહોરાવવાનો ભાવ આવે, તો તે દોષરૂપ નથી, પણ શુભભાવરૂપ છે. મુનિવંદન વગેરેની જેમ આ વસ્તુ પણ સમજવા યોગ્ય છે.
સમાધાનની અંજલિ
