________________
એ તુમ દુઃખ કા દીસા વધારાના પૈસા... એ પૈસાથી ખરીદાતી વધારાની સાધન સામગ્રી... મોજશોખ... હાઈ સોસાયટી. સ્ટેટસ.... ફોરેન ટુર... આ બધાનો રાગ દુનિયાને દોડાવે છે. દોડવાથી આ બધું મળી જાય, એ નિશ્ચિત નથી. મોટા ભાગના દોડનારાઓને આ બધું મળતું પણ નથી. અને સૌથી કરુણ વાસ્તવિકતા તો એ છે કે જેમને આ બધું મળી ગયું છે, તેઓ વધુ દુઃખી થઈ ગયા છે. અજ્ઞાનીની દૃષ્ટિમાં એક ગાડી કોઈ ખટારા સાથે અથડાઈ જાય એ જ “કાર એક્સીડન્ટ હોય છે. જ્ઞાનીની દૃષ્ટિમાં એક ગાડી મેળવવાની ઈચ્છા જાગે, એ પણ “કાર એક્સીડન્ટ' હોય છે. એ ઈચ્છાને અનુરૂપ પ્રવૃત્તિ, એ ઈચ્છાની પૂર્તિ, ગાડીની મુસાફરી, ગાડીનો રાગ, ગાડીને બગાડનાર પ્રત્યે દ્વેષ.... આ બધું જ જ્ઞાનીની દૃષ્ટિમાં “કાર એક્સીડન્ટ' છે. બાહ્ય એક્સીડન્ટમાં શરીર છુંદાય છે. આંતર એક્સીડન્ટમાં આત્મા છુંદાય છે. બાહ્ય એક્સીડન્ટમાં વધુમાં વધુ મોત થાય છે. આંતર એક્સીડન્ટમાં જીવ જીવતો જ મરે છે. સતત મરે છે.... ખવીસ કોનું નામ?
રાગ ને રીસા હોય ખવીસા
એ તુમ દુઃખ કા દીસા લાઈફ રીચ એન્ડ પોશ' નામનો એક કાર્યક્રમ વર્ષો પહેલા ટી.વી. ચેનલ પર રજુ થયો. પશ્ચિમના દેશોના વિવિધ ધનવાનોના વૈભવનું એમાં પ્રસારણ થયું. એમના રજવાડી બંગલા, હાઈ-ફાઈ ફર્નિચર, હીરાના ઝુમ્મર, સોના-ચાંદીના વાસણો, દેવતાઈ સ્વિમિંગ પુલો, સોનાના નળ, અબજોની સંપત્તિ. આ કાર્યક્રમ
