________________
૧૨૪
લવ યુ ડોટર એવું શું હોઈ શકે, જે નારીને ખરા અર્થમાં શણગારે છે? My dear, એ છે શીલ અને લજ્જા. બૃહત્કલ્પ આગમમાં કહ્યું છે – ण भूसणं भूसयते शरीरं विभूसणं सील हिरी य इत्थीए । હકીકતમાં આભૂષણ શરીરને નથી શણગારતું. શીલ અને લજ્જા શણગારે છે. સ્ત્રીનું ખરું આભૂષણ આ જ છે – શીલ અને લજ્જા. મન, વાણી અને દેહની પવિત્રતા એ શીલ છે અને સહજ શરમ એ લજ્જા છે. જે સ્ત્રી પાસે આ બે શણગાર નથી એ દુનિયાભરના શણગારો કરે તો ય ખરા અર્થમાં એ કદરૂપી જ રહેશે. મારી વ્હાલી, તું જે સમયમાં જીવી રહી છે. એ સમયમાં સંસ્કૃતિ પર વિકૃતિનું આક્રમણ થયું છે. શીલ અને લજ્જાના ફુરચે ફુરચા ઉડાવી દેવાની જાણે સ્પર્ધા ચાલી છે. ને એની સાથે સાથે જ દુનિયા એના દુષ્પરિણામોને ભોગવી રહી છે. મારી વ્હાલી,
