________________
પ્રવચનસારોદ્ધાર સૂક્ત- રત્ન- મંજૂષા
८११ जमणुग्गए रविंमि, अतावखेत्तंमि गहियमसणाइ ।
कप्पइ न तमुवभोत्तुं, खेत्ताईयंति समउत्ती ॥२१॥ ८१२ असणाई कप्पइ, कोसदुगब्भंतराउ आणेउं ।
परओ आणिज्जतं, मग्गाईयंति तमकप्पं ॥२२॥ ८१३ पढमप्पहराणीयं, असणाई जईण कप्पए भोत्तुं ।
जा तिजामे उहूं, तमकप्पं कालइक्कंतं ॥२३॥ ८६७ अद्धमसणस्स सवंजणस्स, कुज्जा दवस्स दो भाए।
वायपवियारणट्ठा, छब्भागं ऊणयं कुज्जा ॥२४॥ ८६९ सीए दवस्स एगो, भत्ते चत्तारि अहव दो पाणे ।
उसिणे दवस्स दुन्नी, तिन्नी व सेसा उ भत्तस्स ॥२५॥ ८४९ जन्न तयट्ठा कीयं, नेव वुयं नेव गहियमन्नेसि ।
आहड पामिच्चं चिय, कप्पए साहुणो वत्थं ॥२६॥ ८५२ चत्तारि देवया भागा, दुवे भागा य माणुसा ।
आसुरा य दुवे भागा, एगो पुण जाण रक्खसो ॥२७॥ ८५३ देवेसु उत्तमो लाभो, माणुसेसु य मज्झिमो ।
आसुरेसु य गेलन्नं, मरणे जाण रक्खसे ॥२८॥ ८७८ नयराइएसु घेप्पड़, वसही पुव्वामुहं ठविय वसहं ।
वामकडीए निविटुं, दीहीकअग्गिमेकपयं ॥२९॥ ८७९ सिंगक्खोडे कलहो, ठाणं पुण नेव होइ चलणेसु ।
अहिठाणे पोट्टरोगो, पुच्छंमि य फेडणं जाण ॥३०॥ ८८० मुहमूलंमि य चारी, सिरे य कउहे य पूयसक्कारो ।
खंधे पट्ठीय भरो, पुटुंमि य धायओ वसहो ॥३१॥
