________________ सिरिसिरिवालकहा तत्तो धवलो सुमहग्यवत्थुभिट्टाइ तोसिऊण निवं / विनवइ देव ! एगं बलिकज्जे दिज्जउ नरं मे // 392 / / रना भणियं-जो कोऽवि होइ वइदेसिओ अणाहो अ। तं गिण्ह जहिच्छाए अन्नो पुण नो गहेयव्वे // 393 // तत्तो धवलस्स भडा जाव गवेति तारिस पुरिसं / ता सिरिपालो कुमरो विदेसिओ जाणिभो तेहिं // 394 // बत्तीसलक्खणधरो कहिओ धवलस्स तेहिं पुरिसेहिं / धवलेण पुणो रायाएसो गहिओ य तग्गहणे // 395 // सो सिरिपालो चउहट्टयमि लीलाइ संनिविठोवि / घवलभडेहिं उब्भडसत्थेहिं अत्ति अक्खिसो // 396 / / रे रे तुरिअंचल्लसु रुटो तुह अज्ज धवलसत्यवई / तं देवयाबलीए दिज्जसि मा कहसि नो कहि // 397 // कमरेणुत्तं रे रे देह. बलिं तेण धवलपसुणावि। पंचाणणेण कत्थवि किं केणवि दिज्जए हुबली ? // 398 // तत्तो पयडंति भडा किंपि बलं जाव ताव कुमरकयं / सोऊण सीहनायं गोमाउगणुव्व ते नहा // 399 // धवलस्स पेरिएणं रनावि हु पेसियं नियं सिन्नं / तपि हु कुमरेण कयं हयप्पयावं खणद्वेणं // 400 //
